یانەی سەرهەنگ موحسین - شەڕەبۆتە

[هەڕەشە]

null@example.com (Sarhang Muhsin) — Fri, 23 Feb 2024 10:54:10 +0000

[ هەڕەشە ]

ئەوینی فەرامۆشکراوت
لەوەی پێکمهێناوە  
توندترین هەڕەشە دەکا، 
درەختێکە
زۆر لەمێژە ئاوی نادەم  
کەچی تا دێ گەورە دەبێ و
گەشە دەکا.

سەرهەنگ موحسین، نەجەف
٢٠٢٤\٠٢\٢٣

یادێک

null@example.com (Sarhang Muhsin) — Sat, 11 Feb 2023 19:17:11 +0000

ئەو قسەیەی گوایە ئەوەی لێت بێدەنگە لەشوێنکی تر گەرم دەکرێتەوە، هەڵەیە. بەگژ ئەو وتەیەدا دەچمەوە، ناشێ چیدی ئاوا گشتگیر قسە بکرێت. بۆ من هیچ شوێنێک بۆشایی شەڕەبۆتەی بۆ پڕ نەکردمەوە کەچی ئەوە چەند ساڵێکە لەبیرم کردووە! جەنجاڵی لێنەگەڕاوە بەبیرم بێیەوە، جەنجاڵییەک تا ڕۆژەکان تێدەپەڕن زیاتر دەبن. لەپای ئەمە کات خێرا نەبووە و بێ بەرەکەت نەبووە بەڵکو قەرەباڵغی لێناگەڕێ خاوی کات ببینین

< لام وایه‌ بۆ هه‌میشه‌ ڕۆیشتی! >

null@example.com (Sarhang Muhsin) — Wed, 04 Jan 2012 08:17:11 +0000

< لام وایه‌ بۆ هه‌میشه‌ ڕۆیشتی! >

له‌خه‌وما
پێت وتم:
سه‌ر
كه‌ له‌كامڵ بوونت
سوڕما،
ئه‌مڕۆیشی
له‌گه‌ڵ بێ،
جگه‌ له‌تۆ
ئه‌م دڵه‌ی من
كه‌س نه‌بووه‌ پشتی،

نه‌وه‌ستای
حاڵیت بكه‌م و
هه‌مێزت
له‌ بارگه‌تدا،
لام وایه‌
بۆ هه‌میشه‌ ڕۆیشتی!

ئه‌زانم وێڵی
به‌دوای به‌خته‌وه‌ری،
ناته‌وێ داوت
بكه‌وێته‌
داوی ئه‌وانه‌ی
بۆ ئه‌به‌دییه‌ت دابین و
به‌ئه‌مه‌ك نابن

گومانی خراپ
له‌باره‌مه‌وه‌
له‌سه‌رت ده‌ركه‌،
مه‌پرسه‌ له‌ ڕابردووم،
ئێستاو ئاینده‌شم،
خراپ و باش
بۆیه‌ك نابن.

شیعری: سه‌رهه‌نگ موحسین
ب 27\04\2011، مه‌سقه‌ت.
__________________
بڵاو بۆتەوە لە:
https://www.facebook.com/photo.php?fbid … amp;type=1

< خودایه‌ مه‌هێڵه‌ په‌یوه‌ست بم >

null@example.com (Sarhang Muhsin) — Wed, 07 Sep 2011 04:23:45 +0000

< خودایه‌ مه‌هێڵه‌ په‌یوه‌ست بم >

ڕۆژ نییه‌
دڵی هه‌ڵخه‌ڵه‌تاوم
دڵی له‌ كاروانێ به‌جێماوم
ده‌یانجار
دیواری به‌رگه‌ی
نه‌ڕوخێت،

ئەوە جاران بوو
هه‌نووكه‌ش
كات نیه‌
به‌هۆی نیگاو
زمانی شیعرم،
دڵم بۆ سوتان نه‌برێت!

ئه‌وه‌ ئه‌مڕۆ
باڵه‌كانی
مه‌لی نیگامم
شكاند،
چیدی نافڕێت

زمانی
شیعریشم به‌ست
جارێكی تر
لەبارەتەوە
نادوێت،

"خوایه‌ تۆیش
مه‌هێڵه‌ چیدی
په‌یوه‌ستی
شتێك بم
كه‌ بۆمن نابێت"

سه‌رهه‌نگ موحسین
چوارشه‌م، 7 سبتمبر 2011
مالیزیا - كوالالمبور.
_____________________
"" سودم له‌ نووسینێكی واژووی یاس، سه‌رپه‌رشتیار له‌ (ysm21.net) وه‌رگرتووه‌.

< پێچه‌وانه‌ >

null@example.com (MARYAM) — Tue, 06 Sep 2011 17:33:55 +0000

ســــــــــــاتيــك دلم ببــةى .. !
تةمــةنيك دلت ئــةبـــــــةم

دلؤبيك بيــــرم بكــــــــةيت ..!
دةريــايةك بيـــرت ئةكــةم هةناسةكةم

ساندى

< پێچه‌وانه‌ >

ته‌مه‌نێكه‌ دڵت بردووم،
له‌ گه‌ڕانه‌وه‌یشی
هێنده‌ی گه‌ڵای داران
بێ ئومێدم،

له‌وه‌ته‌ی
فه‌رامۆشت كردووم
له‌ نیشتیمانی خۆم
وا هه‌ست ده‌كه‌م
غه‌ریب و بێ زێدم!

زه‌ریایه‌ك بیرم كردی
تۆیش هێنده‌ی
دڵۆپێكی باران
نه‌هاتی به‌هانامه‌وه‌،

كه‌ ڕۆیشتی
خامۆشت كردم،
له‌ چاوه‌ڕوانیت تلامه‌وه‌،
نه‌هاتی و
گوڕت وه‌به‌رنه‌هێنامه‌وه‌!

سه‌رهه‌نگ موحسین
مالیزیا-كوالالمبور 6\9\2011

< یادی جاران >

null@example.com (Sarhang Muhsin) — Sat, 18 Sep 2010 16:54:27 +0000

< یادی جاران >

چه‌ند ڕۆژێكه‌ یادی جاران
ده‌مداته‌ ده‌ست
ڕه‌شـه‌بای به‌تینی ترسه‌وه،
غه‌رقى ‌زه‌ریای ته‌نیایم
شه‌قـام شــه‌قام ڕێ ئه‌كه‌م
به‌دڵێكی وه‌ڕسه‌وه‌،
له‌ ڕاوی به‌خته‌وه‌ریدام
وەلێ نه‌ ده‌یبینم
نـه‌یش ‌خـۆی ده‌دا به‌ده‌سته‌وه،
هاكا ڕۆژێ كه‌وتم
چه‌ند خۆشه‌ بێیت و
ده‌ستت بێنی
بڵێی هه‌سته‌وه،

غه‌ریبی ڕابردوومان ده‌كه‌م
چ هێزێ بــۆ گه‌ڕاندنه‌وه‌ی
شریتی ته‌مه‌ن
دوای دنیـایه‌ك بێ ئومێدی
ده‌مگه‌ڕێنـێـته‌وه‌ نێو پێناسه‌ی
تاكه‌كه‌سیته‌وه‌؟!
چی ده‌مانباته‌‌وه‌ شه‌قامه‌
ته‌واو نه‌كراوه‌كه‌و
كه‌ تۆ ده‌ناسم میلی كاتژمێر
له پێنج و بیستوویه‌ك و
خـۆر بـه‌ر له‌ ئاوابوون
به‌ ئاسمانه‌وه‌ ده‌به‌ستێته‌وه‌؟!!

سه‌رهه‌نگ موحسین
18-09-2010، هه‌ولێر.

< ته‌نیا ئه‌وه‌ بڵێ >

null@example.com (Sarhang Muhsin) — Thu, 12 Jun 2008 13:08:23 +0000

< ته‌نیا ئه‌وه‌ بڵێ >
بێده‌نگى. . ئاژڕت له‌چیه‌، پێم ناڵێى چی هۆكارى ون بوونته‌
ناتخوێنمه‌وه‌! چ شار و گه‌ڕه‌ك و ماڵێ جێگه‌و ڕێ و شوونته‌
نا ئه‌مانه‌ دادی منی پشكنیار ناده‌ن هه‌ڵواسه‌ری خه‌ونه‌كانم
كێ دوای فڕینی هه‌میشه‌یی من له‌گلینه‌ى چاوى ڕوونته‌

سه‌رهــــــ2008ــــــه‌نگ
نوێكردنه‌وه‌ له‌: ٠٦\١١\٢٠١٣، هه‌ولێر.
---------
ئاژڕ: ڕق، ڕق لێبوونه‌وه‌.
پشكنیار: ئه‌وه‌ی به‌شوێن كه‌سێكدا یان شتێكدا ده‌گه‌ڕێت.
هه‌ڵواسه‌ر: ئه‌و كه‌سه‌ی پیاو له‌ سێداره‌ ده‌دات.