قه‌ت دڵ مه‌شکێنه‌ ترست له‌ خوا بێ
دڵ وه‌ک شوشه‌یه‌ شکا چاک نابێ
ئافه‌رین هه‌زار ئافه‌رین بۆ وه‌ی
دڵی هیچ که‌سی لێ نه‌شکابێ
......................................
یه‌ کێ زوبان و دڵی یه‌ک نه‌بێ
قه‌ت بروا ناکه‌م که‌سی وای هه‌بێ
له‌دوای مردن دڵگیر بێ له‌ بۆی
له‌م جۆره‌ که‌سه‌ دوورکه‌وین ئه‌بێ
..........................................
زۆر هه‌وڵ مه‌ده‌ بۆ دونیای فانی
هه‌رچی په‌یدای که‌ی به‌جێ ئه‌مێنی
تۆزێ هه‌وڵده‌ بۆ رۆژی دوایی
ئه‌م رۆژه‌ هه‌ر دێ به‌ دڵنیایی
........................................
هه‌ر ناخۆشییه‌ک خۆشی له‌دوایه‌
ئه‌م فه‌رموده‌یه‌ش هی زاتی خوایه‌
بروات به‌ خوا بێ لێی مه‌به‌ دودڵ
خوا نه‌ی ده‌فه‌رموو گه‌ر وانه‌بوایه‌
..........................................
ئه‌وه‌ی مرد شه‌یتان ده‌ستی لێ ئه‌شوا
چونکه‌ نامێنێ له‌ دونیا ئه‌روا
ناوی مردووتان به‌چاکه‌ بێنن
وه‌های فه‌رمووه‌ پێعه‌مبه‌ری خوا
.......................................

مامۆستا چالاک