مادە دژەئۆكسانەكان چین ؟

لەگەڵ هەر هەناسە وەرگرتنێكد بە هۆی هەڵمژینی گازی ئۆكسجین كە گازێكی تەقێنەرە لە لەشدا كرداری ئۆكسێن Oxygenation روودەدات، كرداری ئۆكسان دەبێتە ئەگەری پەیدابوونی چەند مادەیەكی یان كۆلكەیەكی سەربەست Free Radicals، ئەم ماددە كیمیاییانە ئۆكسجین لەخۆدەگرن بە ئەلیكترۆنێكی سەقەتەوە كە وایان لێدەكات بە ئاسانی كاریگەری بكەنە سەر DNA، پرۆتینەكان، پەردەی خانە، كۆلیستیرۆل، لە ئەنجامدا دەبنە هۆی گۆڕان لە DNA و تێكچوونی فرمانی پرۆتینەكان و تێكشكانی پەردەی خانە. ئەم كاریگەرییانە دەبنە هۆی زووپیربوون و زیادبوونی ئەگەری شێرپەنجە، نەخۆشی دڵ، دابەزینی بەرگری لەش، ئاوی سپی لە چاوەكاندا، تێكچوون لە فرماانەكانی مێشكدا. مادە دژەئۆكسانەكان Antioxidants دژی كرداری ئۆكسان دەوەستنەوە و نایەڵن كە كاریگەری خراپ بكەنە سەر تەندروستی. گەلێك ڤیتامین و كانزا و دژەئۆكسانە رووەكیەكان (فایتۆكێمیكەلەكان Phytochemicals) لە ئارادان. بۆ نموونە ڤیتامین A، ڤیتامین C، ڤیتامین E، كانزای سیلینیۆم، كانزای زینك. نموونەی دژەئۆكسانە رووەكییەكان وەكو فلاڤۆنۆیدەكان Flavonoids))، كارۆتینۆیدەكان، فینۆلیكەكان (Phenolics)، لایكۆپێن Lycopen))، كوێرسێتین، لیمۆنین..هتد جۆراوجۆركردنی خۆراك بەتایبەتی بەرووبوومی سەوزە و میوەكان پێویستی رۆژانە لە زۆربەی هەرە زۆری ماددە دژەئۆكسانەكان دابین دەكات.

gulan