له‌ لایه‌ن مامۆستا (محمد عبد الرحمن) ه‌ وه‌ وه‌ڵام دراوه‌ته‌وه

وه‌ڵام :-

خۆشه‌ویستی نێوان كورِ و كچ دوای ماره‌ برِین حه‌ڵاڵه‌ .. به‌ڵام له‌ پێش ماره‌ برِین ئه‌وا سه‌یر كردنی یه‌كتر و به‌ یه‌كتر گه‌یشتن و قه‌سه‌ كردن له‌ گه‌ڵ یه‌كتردا و نامه‌ گۆرِینه‌وه‌ و هاوشێوه‌كانی ئه‌مانه‌ له‌ نێوان كورِ و كچدا حه‌رامه‌ و به‌ هیچ شێوه‌یه‌ك دروست نىیه‌ .. وه‌ ئه‌گه‌ر خوای گه‌وره‌ خوازبێنی كچێكی خسته‌ ناو دڵی كورِێكه‌وه‌ ئه‌وا ده‌بێت ئه‌م هه‌نگاوانه‌ی خواره‌وه‌ بگرێته‌ به‌ر :
1 ـ سه‌رتا ده‌بێت به‌ دوای كچێكی دیندار و به‌ رِه‌وشت و خاوه‌ن ئیمان و ئه‌خلاقدا بگه‌رِێیت ، چونكه‌ خوای گه‌وره‌ فه‌رموویه‌تی : [فَانكِحُواْ مَا طَابَ لَكُم مِّنَ النِّسَاء] [سورة النساء : (3) ] .

واته‌ : له‌و ئافره‌تانه‌ بخوازن كه‌وا پاكن .
واته‌ ئافره‌تێك كه‌ بیروباوه‌رِی پاك بێت ، وه‌ ئه‌خلاق و رِه‌وشتی پاك بێت ، وه‌ رِابوردووی پاك بێت ، وه‌ ئێستای پاك بێت ..
وه‌ پێغه‌مبه‌ری خواش (صلى الله عليه وسلم) فه‌رموویه‌تی : ((تنكح النساء لأربع : لـمالـها ولـحسبها ولـجمالـها ولدينها ، فاظفر بذات الدين تربت يداك)) صحيح أبـي دواد رقم : (2047)] .
واته‌ : خه‌ڵك له‌ به‌ر چوار هۆكار ژن ده‌خوازن : بۆ پاره‌كه‌ی و ناودارى یه‌كه‌ی و جوانى یه‌كه‌ی و دیندارىیه‌كه‌ی ، جا تۆ خاوه‌ن دیندارىیه‌كه‌یان ده‌ستی خۆت بخه‌ ده‌ستت بچێت به‌ خێردا .
2 ـ ئه‌نجا له‌ پاش دۆزینه‌وه‌ و ده‌ستنیشان كردنی كچێكی دیندار و به‌ رِه‌وشت و خاوه‌ن ئیمان و ئه‌خلاق پێویسته‌ برِۆیت سه‌یری كچه‌كه‌ بكه‌یت و بیبینیت بۆ ئه‌وه‌ی بزانیت ئایا به‌ دیمه‌نی رِازی ده‌بیت ، به‌ به‌ڵگه‌ی ئه‌م فه‌رمووده‌یه‌ كه‌ پێغه‌مبه‌ری خوا (صلى الله عليه وسلم) فه‌رموویه‌تی : ((إذا ألقى الله في قلب امرئ خطبة امرأة فلا بأس أن ينظر إليها)) [صحيح ابن ماجه رقم : (1864)] .

واته‌ : ئه‌گه‌ر خوای گه‌وره‌ خوازبێنی كچێكی خسته‌ ناو دڵی كه‌سێكه‌وه‌ ئه‌وا هیچی تێدا سه‌یری بكات و بیبینێت .
وعن أنس بن مالك أن المغيرة بن شعبة أراد أن يتزوج امرأة ، فقال له النبي (صلى الله عليه وسلم) : ((اذهب فانظر إليها فإنه أحرى أن يؤدم بينكما ففعل فتزوجها)) [صحيح ابن ماجه رقم : (1865)] .

واته‌ : (المغيرة بن شعبة‌) ویستی ژنێك بخوازێت ، پێغه‌مبه‌ری خوا (صلى الله عليه وسلم) پێی فه‌رموو : برِۆ سه‌یری بكه‌ و بیبینه‌ چونكه‌ ئه‌وه‌ له‌ پێشتره‌ بۆ ئه‌وه‌ی به‌ یه‌كه‌وه‌ بگونجێن و پێكبێن ، ئه‌ویش سه‌یری كرد و ماره‌ی كرد .
3 ـ دوای هه‌ڵبژاردنی كچێكی خاوه‌ن ئیمان و ئه‌خلاق و سه‌یر كردن و بینینی ده‌چیته‌ خوازبێنی كچه‌كه‌ و داوای ده‌كه‌یت له‌ سه‌رپه‌رشتیاره‌كه‌ی (باوكی بێت یان برا یان باپیر یان مام …) .
جا ئه‌گه‌ر كچه‌كه‌ و سه‌رپه‌رشتیاره‌كه‌شی به‌ كورِه‌كه‌ رِازی بوون ئه‌وا كچه‌كه‌ی لێ ماره‌ ده‌كه‌ن و بۆی ماره‌ ده‌برِن و ده‌بێته‌ خێزان و هاوسه‌ری و له‌ یه‌كه‌م چركه‌ی ماره‌برِنه‌وه‌ خۆشه‌ویستی له‌ نێوانیاندا حه‌ڵاڵ ده‌بێت .
به‌ڵام هه‌بوونی په‌یوه‌ندی له‌ نێوان كورِ و كچدا له‌ پێش ماره‌ برِینه‌وه‌ به‌ هه‌موو شێوه‌یه‌ك قه‌ده‌غه‌ و حه‌رامه‌ ئه‌گه‌ر چی به‌ ناوی خۆشه‌ویستیه‌وه‌ بێت !! یان به‌ بیاونووی داخوازی كردنی كچه‌كه‌وه‌ بێت !!