له‌ وڵاتی نیوزله‌ندا منداڵێكی شیره‌خۆره‌ كه‌ ته‌مه‌نی ته‌نها 13 مانگه‌، بووه‌ هۆی زیندانی كردنی دایكی بۆماوه‌ی 7 كاتژمێر. له‌مباره‌وه‌ (كارین كیلفۆر)ی دایكی منداڵه‌كه‌ به‌ رۆژنامه‌ی (نیوز)ی نیوزله‌ندی راگه‌یاند كه‌ له‌كاتێكدا هاوسه‌ره‌كه‌ی له‌ كاربووه‌ و ته‌نها خۆی و منداڵه‌كه‌ی له‌ماڵ بوونه‌، ئه‌و چۆته‌ ژووری خه‌وتن بۆئه‌وه‌ی رێكی بخات، به‌ڵام منداڵه‌ شیره‌خۆره‌كه‌ی له‌ ده‌ره‌وه‌ ده‌رگای له‌سه‌ر داده‌خات. (كارین كیلفۆڕ) هه‌روه‌ها ده‌ڵێ: (بۆماوه‌ی 3 كاتژمێر هه‌وڵم دا ده‌رگاكه‌ بكه‌مه‌وه‌، به‌ڵام بێسوود بوو و نه‌متوانی، زۆرم هاوار كرد تا دراوسێكانمان به‌هانام بێن، به‌ڵام كه‌س به‌فریام نه‌هات و بۆیه‌ چاوه‌ڕوانی هاوسه‌ره‌كه‌مم كرد تا بێته‌وه‌، ئه‌وه‌ بوو دوای 7 كاتژمێر ئینجا هاوسه‌ره‌كه‌م گه‌ڕایه‌وه‌ و توانیم له‌ ژووره‌كه‌ بێمه‌ ده‌ره‌وه‌.

ئۆفیسی كوردان