qsakant tawawa  kaka  sarhang

ده‌مه‌وێت هه‌ڵوه‌سته‌یه‌ك له‌سه‌ر ئه‌و دێره‌ی سه‌ره‌وه‌ بكه‌م كه‌ "سه‌یران سه‌ڵاح" بێ بیركردنه‌وه‌
نوسیویه‌تی!، كه‌ ده‌شڵێم بێ بیركردنه‌وه‌ دیاره‌ به‌ڵگه‌‌م به‌ده‌سته‌، ئێمه‌ ده‌بێ ئه‌وه‌ باش بزانین كه‌
قه‌ده‌ر بریتیه‌ له‌ ویستی خوا، ئه‌وه‌ی هه‌ڵه‌ به‌رامبه‌ر به‌ قه‌ده‌ر بكات، خۆم به‌خوا ده‌پارێزم له‌وه‌ی كه‌
ده‌ڵێم: هه‌ڵه‌ی به‌رامبه‌ر به‌ خوا كردووه‌، كه‌ نوسراویشه‌ (زەمەن بێبەزەییانە یارى بە قەدەرى تۆ دەکات)
ئه‌مه‌ لێكدانه‌وه‌یه‌كی ته‌واو هه‌ڵه‌یه‌. ئه‌وه‌ زه‌مه‌ن نیه‌ یاری به‌ قه‌ده‌ر ده‌كات ئه‌وه‌ ئینسان خودی
خۆیه‌تی یاری به‌ چاره‌نوسی خۆی ده‌كات، خوای گه‌وره‌ كه‌ مرۆڤی دروست كرد به‌شیوه‌یه‌ك دروستی
نه‌كرد كه‌ ببێته‌ پوشی ده‌م با به‌ده‌ستی قه‌ده‌ره‌وه،‌ به‌شێوه‌یه‌ك خه‌لقی نه‌كردووه‌ كه‌ هیچ هه‌ڵبژاردن
و گوناهـ و تاوانێكی كه‌ ده‌یكات به‌ ده‌ستی خۆی نه‌بێت و قه‌ده‌ر پێی بكات، به‌ڵكو خوای گه‌وره‌ زانایه‌ به‌وه‌ی
كه‌ ئێستا و داهاتوو ڕووئه‌دات. جا ئێمه‌ ده‌بێ بزانین قه‌ده‌ر ویستی خوایه‌، ویستی خواش ناكه‌وێته‌ به‌ر
بێبه‌زه‌یی زه‌مه‌ن.