جۆرەكانی دیسكی DVD سێ جۆرن، كە بریتین لە: DVD-R، DVD+R، DVD-RAM. دیارە ئەو سێ جۆرە لەوانەن كە تەنیا یەكجار دەكرێ داتای لەسەر خەزن بكرێت و توانای سڕینەوەیان نییە. ئەو جۆرەی كە دەكرێ زانیاری لەسەر خەزن بكرێت و بسڕێتەوە ئەمانەن: DVD+RW، DVD-RW. ئەوەی كە چ جۆرە دیسكێكی DVD بەكار بێنی پەیوەندی هەیە بە جۆری ئامێری DVD سەر كۆمپیوتەرەكەت.
درایڤەری كۆمپیوتەری دیسكتۆپ، یان لاپتۆپ گشت جۆرەكانی DVD دەخوێننەوە. بەڵام ئامێری DVD ماڵان واتە (DVD Player) تەنیا جۆری DVD-R دەخوێنێتەوە. هەرچەندە هەندێك كۆمپانیا رادەگەیەنن كە ئامێرەكەیان گشت جۆرەكانی DVD دەخوێننەوە، بەڵام رەنگە لە راستیدا وانەبێت، هەربۆیە ئەگەر فیلمێكت هەیە و دەتەوێ لەسەر DVD خەزنی بكەی و بە ئامێری DVD لێبدەیەوە، باشترین جۆر بۆ ئەم مەبەستە DVD-Rە.
گەر نیازت هەیە داتا یان فیلمێكت لەسەر كۆمپیوتەری جۆری لاپتۆپ بۆ سەر DVD خەزن بكەی، باشتر وایە خێرایی 8X هەڵبژێری، چونكە درایڤی DVD لاپتۆپ توانای وەك درایڤی DVD كۆمپیوتەری دیسكتۆپ نییە.
كاتی كڕینی دیسكی DVD سەرنج بدە ئەستوورایی دیسكەكە، هەرچەند ئەستوورتر بێ خۆراگری زیاترە و كەمتر تێكدەچێ.

گوڵان