ئه‌م شه‌وو دڵم وه‌کو باران شه‌ونمی بۆ ده‌بارێنی

من تێ ناگه‌م هه‌تاکوو که‌ی دوایی نایه‌ چاوه‌ڕوانی

هه‌موو شه‌وێ گڕی دووریت ده‌سوتێنێ هه‌موو گیانم

دڵم به‌کوڵ بۆ تۆ ده‌گری و بێ ئاگایه‌ چاوه‌کانم

وه‌کو ده‌روێش له‌ خۆم ده‌ده‌م ئه‌دوێم له‌ گه‌ڵ نیوه‌ی شه‌وا

تۆیش بێ ئاگا له‌ حاڵی من ئێستا وای له‌ قوڵی خه‌وا

خه‌یاڵ ده‌که‌م هاوسه‌ره‌که‌ت ئێستا ده‌بێ به‌قوربانت

له‌ ژێر ماچا سوور بۆته‌وه‌ سه‌ر ڕووی هه‌ردوو گۆناکانت

تۆش تووند باوه‌شت لێداوه‌ نووساندووته‌ به‌ خۆته‌وه‌

منیش فرمێسک له‌ سه‌ر گۆنام دڵۆپ دڵۆپ شۆڕ بۆته‌وه‌

ده‌خته‌ ڕوحم دێته‌ ده‌رێ و چه‌رگ و دڵم لێک بێته‌وه‌

حه‌ز ده‌که‌م هه‌ر ئه‌م شه‌و بمرم سبه‌ینێ ڕۆژ نه‌بێته‌وه‌