له‌ڕوداوێكی ده‌گمه‌ندا، كه‌ڵه‌شێرێك ‌و 3 مریشك له‌به‌ریتانیا رێویه‌ك به‌ ده‌نوك ده‌كوژن .
رۆژنامه‌ی (ده‌یلی میل)ی چاپی به‌ریتانیا بڵاویكرده‌وه‌، دوژمنایه‌تییه‌كی دێرین له‌نێوان رێوی‌و مریشكدا هه‌یه‌‌و به‌رده‌وامیش ئه‌و دوژمنایه‌تیه‌ له‌ سوودی رێوی كۆتایی دێت‌و ریوییه‌كان به‌ خواردنی گۆشتی مریشك شادده‌بن، به‌ڵام له‌ شارۆچكه‌ی (بازیلۆن)ی خۆرهه‌ڵاتی به‌ریتانیا، كه‌ڵه‌شێرێك‌و سێ مریشك توانیان رێوییه‌كی برسی به‌ ده‌نوك بكوژن، كاتی كه‌ هه‌وڵی خوادرنی ئه‌و په‌له‌وه‌رانه‌ دابوو.
رۆژنامه‌كه‌ له‌ زاری (میشیل كوردیل)ی خاوه‌ن مریشكه‌كان بڵاویكرده‌وه‌، له‌ كاتی كردنه‌وه‌ی ده‌رگای كولانه‌ی مریشكه‌كان بۆ كۆكردنه‌وه‌ی هێلكه‌، سه‌ری سوڕما له‌ بینی ریۆیه‌كی توپێوو كه‌ ده‌موچاوی به‌ ده‌نوكی كه‌ڵه‌شێر‌و مریشكه‌كان خه‌ڵتان به‌ خوێن كرابوو.
ده‌یلی میل ئاماژه‌ی به‌وه‌شكرد، له‌ كاتی هێرشی رێویه‌كه‌دا كه‌ڵه‌شێر‌و مریشكه‌كان له‌سه‌ر پارچه‌ مێزێكی بچووك وه‌ستابوون‌و به‌ سه‌رو ژوور كردنی ئه‌و مێزه‌ رێویه‌كه‌ گیری خواردوو، پاشان هه‌ر سێ مریشك‌و كه‌ڵه‌شێره‌كه‌ خه‌ڵتان به‌ خوێنیان كرد‌و به‌و هۆیشه‌وه‌ كوژرا.