دوورگه‌- رۆمانی (رێزمانی خۆشه‌ویستی) نوێترین رۆمانی نووسه‌ر (سه‌باح مه‌جید)ه‌ و ئه‌مڕۆ كه‌وته‌ بازاڕه‌كانه‌وه‌. ئه‌م رۆمانه‌ یه‌كێكه‌ له‌ بڵاوكراوه‌كانی (یه‌كێتی لاوانی دیموكراتی كوردستان) و به‌ تیراژی (1000) بڵاوكراوه‌ته‌وه‌. شایانی باسه‌ له‌م رۆمانه‌دا سه‌باح مه‌جید ستایلێكی نوێی به‌كاربردووه‌ و ئیشى له‌سه‌ر رێزمان و قوتابخانه‌ كردووه‌ له‌ چوارچێوه‌ی رۆماندا و ئه‌مه‌ش یه‌كه‌مین جاره‌ كه‌ له‌ رۆمانی كوردیدا رێزمان به‌مشێوه‌ هونه‌رییه‌ ته‌وزیف بكرێن. ئه‌م رۆمانه‌ باس له‌ به‌سه‌رهاتی خۆشه‌ویستی دوو مامۆستا له‌ناو قوتابخانه‌یه‌كدا ده‌كات و یه‌كێكه‌ له‌و رۆمانانه‌ی كه‌ تا سه‌رئێسقان رۆمانسییه‌.