لە چاوەڕوانی بێزارنیم
هەموو جارێ کە ئەتبینم پێم شەرمە تێر بۆت بڕوانم
تۆ هێندە لێم دوری ساردە وەک ئاهەکەم جێی جوانم
کەی بێ بتوانم پێت بڵێم عاشقی تۆم بەدڵ و گیان
لەگەڵ خۆمدا بتلاوێنم ڕازاوەی کەی باخی ژیان
چرای خۆش بەختی ژیانم داگیرسێنی لە شەوانم
کۆتایی بە ئازار بێنی و خۆشی و خەندە بەیت بەگیانم
لەتاو جوانی و دوری باڵات ئەزانم ڕۆژێ دێ دەمرم
بەڵام چۆن بتوانم تاکو ئەوڕۆژە بەرگەی خەم بگرم
بێ هیوانابم تا بژیم هەمیشە چاوەڕێی ژوانتم
ڕەنگە بڵێم لەئەو دنیاش بێزارنیم هەر چاوەڕوانتم

سامان سه‌نگاوی