ئه‌لکسانده‌ر نیمیزۆف" نه‌ندازیارێکی روسییه و که‌شتییه‌کی دروست کردووه که 10هه‌زار که‌س ده‌بات و ناوی ناوه "که‌شتیی نووح".

ئه‌م که‌شتییه له‌سه‌ر شێوه‌ی سه‌ده‌ف دیزاین کراوه بۆ ئه‌وه‌ی ببێته په‌ناگه‌یه‌کی ئه‌من له کاتی کاره‌ساته گه‌وره‌کانی وه‌ک تۆفان و تسۆنامی و ته‌نانه‌ت بووله‌رزه‌ی زۆر به‌هێزیش.

ئه‌م که‌شتییه به شێوه‌یه‌ک دیزان کراوه که هه‌موو شته پێویسته سه‌ره‌تاییه‌کانی تێدا دابین بکرێت، وه‌ک شوێنێک بۆ چاندنی سه‌وزه و میوه‌ی پێویست و هه‌روه‌ها باتریی هه‌تاوی و سیسته‌مێک بۆ کۆکردنه‌وه‌ی ئاوی باران بۆ ئه‌وه‌ی ئه‌وانی له‌ناویدان، بۆ ماوه‌یه‌کی زۆر زیندوو بمێننه‌وه.

هه‌روه‌ها بۆ ئه‌وه‌ی ئۆکسیژینی پێویستیش له‌م که‌شتییه‌دا هه‌بێت، هه‌ندێک رووه‌کی تێدا چێندراوه که گازه زیانباره‌کان راده‌کێشێت و هه‌وای تازه دابین ده‌کات.

ئه‌م که‌شتییه له مادده‌ی روون دروست کراوه بۆ ئه‌وه‌ی رووناکی ناو که‌شتییه‌که‌که دابین بکات و رووکه‌شێکی له‌سه‌ره بۆ ئه‌وی تیشکه زیانباره‌کان بگێڕێته‌وه.