بۆچی له‌ نوێژدا دووجار کڕنووش ده‌به‌ین و جارێک ڕکووع ده‌به‌ین..؟؟
______________...________________________________
پیاوێک پرسیاری له‌ ئیمامی عه‌لی (خوای لێ ڕازی بێت) کرد: بۆچی دوجار کڕنووش ده‌به‌ین و جارێک ڕکووع ده‌به‌ین..؟؟ بۆچی هه‌روه‌ک یه‌ک ڕکووع ده‌به‌ین بۆ یه‌ک کڕنووش نابه‌ین ؟؟ ئیمامی عه‌لی (خوای لێ ڕازی بێت( وه‌ڵامی دایه‌وه‌: شتێکی ڕوون و ئاشکرایه‌ کڕنووش بردن زیاتر ملکه‌چی و خشووعی تێدایه‌ زیاتر له‌ ڕکوع بردن ، له‌ کڕنوش بردندا مرۆڤ …به‌نرخترین و به‌ڕێزترین ئه‌ندامی که‌ ناو چاویه‌تی ده‌خاته‌ سه‌ر بێ ‌نرخترین شت که‌ خاکه‌ وه‌ک هێمایه‌ک بۆ به‌ندایه‌تی خوای گه‌وره‌ ، وه‌ ملکه‌چی و خۆ به‌که‌م زانین له‌ گه‌وره‌یی و باڵاده‌ستی خوای گه‌وره‌دا. پاشان ئه‌م ئایه‌ته‌ پیرۆزه‌ی خوێند: بسم الله الرحمن الرحيم ( منها خلقناكم و فيها نعيدكم و منها نخرجكم تارةً أخرى) یه‌که‌م جار که‌ کڕنووش ده‌به‌یت واته‌ (منها خلقناكم) مه‌به‌ستی ئه‌وه‌یه‌ له‌ خاک دروستمان کردوون ، له‌شمان و بنه‌ڕه‌تمان وه‌ بوونمان له‌ خاکه‌ . کاتێک کڕنووشی دووه‌م ده‌برێت ئه‌وه‌ت بیرده‌خاته‌وه‌ که‌ جارێکی تر ده‌گه‌ڕێیته‌وه‌ بۆ خاک، پاشان سه‌ر به‌رز ده‌که‌یته‌وه‌ واته‌ جارێکی تریش زیندوو ده‌کرێیته‌وه‌ و له‌ خاک دێیته‌وه‌ ده‌ره‌وه‌.