له‌ ژاپۆن پێشانگه‌ی ساڵانه‌ی (تۆكیۆ) بۆ یارییه‌ ڤیدیۆییه‌كان كرایه‌وه‌ كه‌ به‌یه‌كێك له‌ سه‌رنجراكێشترین پێشانگه‌كانی جیهان ده‌ژمێردرێت‌و ساڵانه‌ ده‌یان هه‌زار كه‌س له‌ وڵاتانی جیهانه‌وه‌ ئاماده‌ی ده‌بن.
له‌و چوارچێوه‌یه‌دا، كۆمپانیای (سۆنی) بۆ به‌رهه‌مه‌ ئه‌لیكترۆنییه‌كان له‌ ده‌ستپێكی پێشانگه‌كه‌دا به‌نمایشكردنی یاری (پی ئێس پی ڤیتا) سه‌رنجی ئاماده‌بوانی راكێشا.
ده‌یان كه‌س له‌ میوانانی پێشانگه‌كه‌ سه‌ره‌یان گرتبوو بۆ تاقیكردنه‌وه‌ی ئه‌و به‌رهه‌مه‌ نوێیه‌ی كۆمپانیای سۆنی، به‌شێكیشیان دوای تاقیكردنه‌وه‌ی ئامێره‌كه‌، سه‌رسامی خۆیان ده‌ربڕی.
یارییه‌كانی تایبه‌ت به‌مۆبایل به‌شێكی گرنگی پێشانگه‌ی (تۆكیۆ) بوو، كه‌ شه‌یدای زۆری به‌ده‌وری خۆیدا كۆكردبوه‌وه‌.
هاوكات كۆمپانیای (سۆنی ئێریكسن) سمارتفۆنێكی نوێی به‌ناوی (ئێكسپیریا پله‌ی) ئاشكرا كرد كه‌ به‌شێوه‌ی سلاید ده‌كرێته‌وه‌و وه‌ك ئامێرێكی (پی ئێس پی) كار ده‌كات.
جێی ئاماژه‌یه‌ ئه‌مساڵ زیاتر له‌ 193 كۆمپانیای 16 وڵاتی جیاجیا به‌شداریان له‌و پێشانگه‌یه‌ كردووه‌ كه‌ 4 رۆژ به‌رده‌وام ده‌بێت.