ئه‌م هه‌ینیه‌ مانگێكی‌ ده‌ستكردی‌ ئه‌مریكا ده‌كه‌وێته‌ سه‌ر زه‌وی‌

ئاژانسی‌ ناسای‌ ئه‌مریكی‌ رۆژی‌ هه‌ینی‌ دیاری‌ كردووه‌ بۆ شكستهێنان و كه‌وتنه‌خواره‌وه‌ی‌ مانگێكی‌ ده‌ستكردی ئه‌مریكی‌ به‌رووی‌ زه‌ویدا.
ئاژانسی‌ ناسای‌ ئه‌مریكی‌ له‌راپۆرتێكدا بڵاوی‌ كرده‌وه‌, مانگێكی‌ ده‌ستكرد ده‌كه‌وێته‌ خواره‌وه‌ كه‌ قه‌باره‌ی‌ هێنده‌ی‌ پاسێكه‌ و كێشی‌ 6 تۆنه‌ و, وا چاوه‌ڕوان ده‌كرێت رۆژی‌ هه‌ینی‌ به‌ر زه‌وی‌ بكه‌وێت.
لای‌ خۆشیه‌وه‌ جێف ئارند به‌ڕێوه‌به‌ری‌ به‌رنامه‌كانی‌ ناسا به‌رۆژنامه‌ی‌ واشنتۆن پۆستی‌ راگه‌یاندووه‌, له‌گه‌ڵ‌ ئه‌وه‌ی‌ كه‌وتنه‌خواره‌وه‌ی‌ ئه‌و مانگه‌ ده‌ستكرده‌ مه‌ترسیداره‌, به‌ڵام رێوشوێنی‌ ته‌واوی‌ بۆ گیراوه‌ته‌ به‌ر و كۆنترۆڵ‌ كراوه‌.
جێی‌ ئاماژه‌یه‌ كه‌ ئه‌و مانگه‌ ده‌ستكرده‌ له‌ساڵی‌ 1991 وه‌ هه‌ڵدراوه‌ بۆ ئاسمان و, بڕی‌ 750 ملیۆن دۆلاری‌ تێچووه‌ و, له‌ساڵی‌ 2005 وه‌ له‌كار كه‌وتووه‌و , ناسا پێشبینی‌ كردووه‌ ئه‌و مانگه‌ ده‌ستكرده‌ له‌گه‌ڵ‌ به‌ركه‌وتنی‌ به‌ به‌رگه‌هه‌وای‌ زه‌وی‌, به‌شێكی‌ زۆری‌ پارچه‌كانی‌ له‌ده‌ست بدات و بكه‌وێته‌ ناو ئاوی‌ زه‌ریاكانه‌وه‌.