(PNA) – بەپێی راگەیاندنێکی ئینسکلۆپیدیای گینس بۆ ژمارە پێوانەییەکان ، بریجیت جوردان کە ئافرەتێکی ئەمەریکییە بەبەرزی 69سم کورتە باڵاترین ئافرەتە لە جیهان.

ئەم هەواڵە لەپێگەی فەرمی گینس بۆ ژمارە پێوانییەکان بڵاوکراوەتەوە و تێیدا هاتووە بریجیتی تەمەن 22 ساڵ و برادی برا بچوکی تەمەن 20 ساڵ بە کورتە باڵاترین خوشک برای زیندوو لە جیهان دادەنرێن.

کورتەباڵایی ئەم خوشک و برایە بە زگماکیەوە بووە لە کاتی لەدایک بوونیان بەڵام تەندروستیان زۆرباشە و و ژیانێکی ئاسایی بەسەر دەبەن.

ئەم خوشک و برایە لەکۆلێژی کاسکاسیا دەخوێنن، براد یاری کاراتێ و جمناسایک و تۆپی سەبەتە ئەنجام دەدات و بریجیت زیاتر خەریکی سەماکردن و هاندانی تیپەکانی کۆلێژە.