ژنێک به دیتنی وه‌سڵی کاره‌بای ماڵه‌که‌ی له‌خۆچوو

ژنێکی به‌ساڵاچووی ئێرانی دوای ئه‌وه‌ی چاوی به وه‌سڵی کاره‌بای ماڵه‌که‌ی که‌وت، له‌خۆچوو و ره‌وانه‌ی نه‌خۆشخانه کرا.

به‌پێی هه‌واڵێکی ناوه‌ندی هه‌واڵی ئێرانی، ئه‌م ژنه که له ماڵه‌که‌ی ته‌نیا دوو ئامێری کاره‌بایی هه‌یه که بریتین له گڵۆپێک و سه‌لاجه‌یه‌ک، نزیک 7هه‌زار دۆلار پاره‌ی کاره‌بای بۆ هاتبوو.

دوای ئه‌وه‌ی چه‌ند مانگ له‌مه‌وبه‌ر، یارمه‌تیی حکومه‌ت له‌سه‌ر وزه و کاڵا سه‌ره‌کییه‌کان له ئێران هه‌ڵگیرا، نرخی وزه و کاڵاکان به رێژه‌یه‌کی به‌رچاو به‌رزبۆوه.

به‌ڕێوه‌به‌رایه‌تیی کاره‌بای "شاری کورد" که ئه‌م ژنه‌ی تێیدا ده‌ژیت، گوتوویه‌تی که چاو به وه‌سڵه‌که‌دا ده‌خشێنێته‌وه و له‌وانه‌یه هه‌ڵه‌یه‌ک رووی دابێت.