مه‌گه‌رێ به‌ دوایی جوانی ده‌ره‌وه‌ له‌و که‌سه‌ی که‌ خۆشت ده‌وێ
رۆژێک " جوانیی " و " ناشرینی " له‌ که‌ناری ده‌ریا به‌یه‌ک گه‌یشتن . ئه‌و دووه‌ به‌یه‌کتریان وت " وه‌ره‌ له‌ناو ده‌ریا مه‌له‌ بکه‌ین !؟"خۆیان رووت کرده‌وه‌ و له‌ئاودا مه‌له‌یان کرد ، هه‌ندێکی پێچوو ناشرینی گه‌رایه‌وه‌ که‌ناره‌که‌ و جله‌کانی جوانیی پۆشی و رۆیشت ! جوانی له‌ ده‌ریا هاته‌ ده‌ر و جلوبه‌رگه‌که‌ی نه‌دۆزیه‌وه‌ .... شه‌رمی له‌ جه‌سته‌ی رووتی خۆی کرد و به‌ناچار جلی ناشرینی له‌به‌ر کرد و که‌وته‌ رێ بۆ گه‌ران به‌ناو سروشتدا !؟
تا ئه‌م سه‌رده‌مه‌ش مرۆڤه‌کان ئه‌م دووه‌ لێک جیا ناکه‌نه‌وه‌ . به‌ڵام هه‌ندێ که‌ سيش هه‌ن که‌ روخساری جوانیی ده‌بینن و وێرای ئه‌و جلوبه‌رگه‌ی له‌به‌ری دایه‌ ده‌یناسنه‌وه‌ ..له‌م ژیانه‌دا زۆرن ئه‌و جوانیانه‌ی که‌ ناشرین ده‌نوێنن و ئه‌و ناشرینیانه‌ی که‌ جوان دێنه‌ به‌رچاو.