ته‌خته‌ ڕه‌ش---

خۆشه‌ویستم

که‌ له‌ پۆلا دائه‌نیشم

ورد بۆ ته‌خته‌که‌ ئه‌روانم

خێرا مامۆستا پێم ئه‌ڵێ

رۆڵه‌ هه‌سته‌ وه‌ره‌ پێشێ

پێ ئه‌چێ ئه‌ویش بزانێ

شتێ هه‌یه‌ رامئه‌کێشێ

خۆ مامۆستاکه‌م سه‌دان جار

ته‌خته‌ ڕه‌شه‌که‌ی سریه‌وه

که‌چی هه‌ر ناکوژێته‌وه
‌
وا چاوت له‌من بڕیوه‌

خوێنکاره‌که‌ی ته‌نیشتم

وه‌ک ئه‌وه‌ی بمخوێنێته‌وه
‌
زوو زوو ئه‌کێشێ به‌ ده‌ستماو

دڵی رۆیشتوم دێنێته‌وه
‌
ئه‌م سه‌ری ساڵه‌ بێته‌وه
‌
گوڵم بۆ کارته‌که‌م ناچم

دڵنیام جگه‌ له‌ عه‌شق

له‌ هیچ وانه‌یه‌ک ده‌رناچم

                                     ڕه‌نج سه‌نگاوی