نرخی‌ كۆمپانیای‌ (ئه‌پڵ) له‌بازاڕدا دوای‌ تاووتوێكردنی‌ پشكه‌كانی‌، گه‌یشته‌ 400 ملیار دۆلار، ئه‌مه‌ش ژماره‌یه‌كی‌ پێوانه‌یی‌ نوێیه‌، كه‌ ئه‌و كۆمپانیایه‌ تۆماری ده‌كات‌و بووه‌ گه‌وره‌ترین‌و زه‌به‌لاحترین كۆمپانیای‌ پیشه‌سازیی‌ ته‌كنۆلۆژی‌ له‌سه‌ر ئاستی‌ جیهان.

به‌پێی‌ هه‌واڵێكی‌ سی‌ ئێ ئێن، نرخی‌ پشكه‌كانی‌ (ئه‌پڵ) له‌سه‌ره‌تای‌ كردنه‌وه‌ی‌ بازاڕی‌ پشكه‌كان له‌ئه‌مریكا له‌ڕۆژی‌ پێِنجشه‌ممه‌دا، خواستێكی‌ زۆری‌ له‌سه‌ربوو، به‌ئه‌ندازه‌یه‌ك كه‌ به‌رزبووه‌وه‌‌و گه‌یشته‌ 431 دۆلار  له‌ماوه‌ی‌ چه‌ند كاتژمێرێكدا.

به‌م ئه‌نجامه‌ش ئه‌پڵ بوو به‌دووهه‌م گه‌وره‌ترین كۆمپانیا، له‌دوای‌ كۆمپانیای‌ (ئاكسون)ی‌ بواری‌ نه‌وت، كه‌ نرخه‌كه‌ی‌ ده‌گاته‌ 420 ملیار دۆلار، نزیكترین كۆمپانیاش له‌ئه‌پڵه‌وه‌، كۆمپانیایه‌كی‌ چینییه‌ به‌ناوی‌ (پترۆ چاینا) كه‌ نرخه‌كه‌ی‌ 270 ملیار دۆلاره‌، دوای‌ ئه‌ویش مایكرۆسۆفت دێت، كه‌ نرخه‌كه‌ی‌ 235 ملیار دۆلاره‌.

به‌پێی‌ هه‌واڵێكی‌ ئه‌لوه‌ته‌ن، بۆ زانینی‌ زیاتری‌ نرخی‌ ئه‌پڵ له‌بازاڕدا، به‌ته‌نها هێنده‌ی‌ داهاتی‌  نه‌ته‌وه‌یی‌ چه‌ند ده‌وڵه‌تێكی‌ گه‌وره‌ ده‌بێت، له‌وانه‌ یۆنان‌و نه‌مساو ئه‌فریقای‌ باشورو ئه‌رجه‌نتین، ئه‌مه‌ جگه‌ له‌وه‌ی‌ هێنده‌ی‌ داهاتی‌ نه‌ته‌وه‌یی‌ هه‌ریه‌كه‌ له‌ئیسرائیل‌و لوبنان‌و ئوردن‌و سوریا پێكه‌وه‌ كۆبكرێته‌وه‌.

ئه‌م كۆمپانیایه‌ له‌بنه‌ڕه‌تدا له‌لایه‌ن (ستیڤ جۆبز)ه‌وه‌ دامه‌زرێنرا، كه‌ دایك‌و باوكی‌ له‌تاو هه‌ژاری‌، به‌ساوایی‌ له‌گه‌ڵ خوشكه‌كه‌یدا فڕێیان دابوون.