رۆژێك پیاوێكی‌ كوێر له‌سه‌ر پلیكانی‌ باڵاخانه‌یه‌ك دانیشتبوو ‌و كڵاوێك‌و تابلۆیه‌كی‌ له‌ ته‌نیشت لاقیه‌وه‌ دانابوو. له‌ سه‌ر تابلۆكه‌ نووسرابوو: من كوێرم تكایه‌ یارمه‌تیم بده‌ن. رۆژنامه‌نووسێكی‌ داهێنه‌ر به‌ ته‌نشتیدا تێده‌په‌ڕی‌، سه‌یرێكی‌ كرد. ته‌نیا چه‌ند دراوێك له‌ نێو كڵاوه‌كه‌دا بوو. ئه‌ویش چه‌ند دراوێكی‌ هاویشته‌ ناو كڵاوه‌كه‌‌و به‌ بێ‌ئه‌وه‌ی‌ ئیزن له‌ پیاوی‌ كوێر وه‌ر...بگرێت تابلۆكه‌ی‌ هه‌ڵگرت‌و شتێكی‌ دیكه‌ی‌ له‌سه‌ر نووسی‌‌و تابلۆكه‌ی‌ له‌ ته‌نشت لاقی‌ دانایه‌وه‌‌و رۆشت. ئێواره‌ی‌ هه‌مان رۆژ، رۆژنامه‌نووسه‌كه‌ رێی‌ كه‌وته‌وه‌ ئه‌و شوێنه‌‌و سه‌رنجی‌‌دا كڵاوی‌ پیاوی‌ كوێر پڕه‌ له‌ پاره‌‌و دراو. پیاوی‌ كوێر به‌ ده‌نگی‌ هه‌نگاوه‌كانی‌ ناسییه‌وه‌‌و ویستی‌ داوای‌ لێ‌بكات ئه‌گه‌ر هه‌مان پیاوی‌ به‌یانییه‌، پرسیاری‌ لێ‌بكات چی‌ له‌سه‌ر تابلۆكه‌ی‌ نووسیوه‌؟ رۆژنامه‌نووس وه‌ڵامی‌ دایه‌وه‌: شتێكی‌ ئه‌وتۆ‌و گرینگ نه‌بوو، من ته‌نیا نووسراوه‌كه‌ی‌ تۆم به‌ شێوه‌یه‌كی‌ دیكه‌ نووسیه‌وه‌‌و پێكه‌نی‌‌و كه‌وته‌وه‌ رێ‌.
پیاوی‌ كوێر هه‌رگیز نه‌یزانی‌ كه‌ ئه‌و چی‌ نووسیوه‌، به‌ڵام له‌ سه‌ر تابلۆكه‌ی‌ ده‌خوێندرایه‌وه‌:
ئه‌مڕۆ به‌هاره‌، به‌ڵام من ناتوانم بیبینم!!