هه‌میشه‌ له‌گه‌ڵ تۆدام

له‌گه‌ڵ خۆمدا بیرم ده‌كرده‌وه‌ كه‌ هاتنه‌ دی خه‌ونه‌كانم مه‌حاڵه‌
به‌ڵام خودا ووتی : هه‌موو شت ده‌كرێت

ون ببووم ، گێژ بووم ، وامده‌زانی هه‌رگیز وه‌ڵامێك نادۆزمه‌وه‌
به‌ڵام خودا ووتی من رێنوێنیت ده‌كه‌م

خۆم دۆراند وامده‌زانی ناتوانم ئه‌نجامی بده‌م
به‌ڵام خودا ووتی : تۆ توانای ئه‌نجامدانی هه‌موو كارێكت هه‌یه‌

تاسه‌بار بووم ، هه‌ستم كرد له‌ژێر كێوێكی نائومێدیدا ماومه‌ته‌وه‌
به‌ڵام خودا ووتی : تاسه‌و خه‌می خۆت له‌سه‌ر شانی من هه‌ڵڕێژه‌

وامزانی ناتوانم من ئه‌وه‌نده‌ ژیر نیم
به‌ڵام خودا ووتی : من ژیری پێویستت پێ ده‌به‌خشم

باری تاوانه‌كانم ئازاری ده‌دام ، بۆ ئه‌و كاره‌ خراپانه‌ی كه‌ كردبووم له‌ خۆم توڕه‌ و بێزار بووم
به‌ڵام خودا ووتی من له‌تۆ خۆش ده‌بم

ڕقم له‌ خۆم ده‌بۆوه‌ وامده‌زانی كه‌س منی خۆش ناوێت
به‌ڵام خودا ووتی : من تۆم خۆشده‌وێت

ده‌گریام چونكه‌ ته‌نیا بووم
به‌ڵام خودا ووتی : من هه‌میشه‌ له‌گه‌ڵ تۆ دام