گه‌وره‌ كۆمپانیای بواری دورستكردنی فڕۆكه‌ی مه‌ده‌نی "ئه‌یرباس"ـی فه‌ره‌نسایی به‌ نیازه‌ گه‌وره‌ترین شؤرشی ته‌كنۆلۆژی له‌ بواره‌كه‌یدا هه‌ڵبگیرسێنێت.

كۆمپانیای ناوبراو ئاشكرای كردووه‌ له‌ ماوه‌ی 40 ساڵی داهاتوودا،
جۆره‌ فڕۆكه‌یه‌ك دروست ده‌كات كه‌ له‌ جیاتی به‌رگێكی ده‌ره‌وه‌ی
ئه‌ستوور وه‌كو ئه‌وه‌ی ئێستا له‌ فڕۆكه‌ی ئاساییدا به‌كارده‌هێنرێت،
به‌رگێكی شوشه‌یی ڕوون به‌كار ده‌هێنێت، به‌ شێوه‌یه‌ك كه‌ نه‌فه‌ره‌كان وا هه‌ست بكه‌ن له‌ بۆشایی ئاسماندان.

هه‌روه‌ك كورسیه‌كان فڕۆكه‌كه‌یش به‌گوێره‌ی ویستی نه‌فه‌ره‌كان شوێن و جۆر و ئاڕاسته‌كان ده‌گوڕێت،
ئه‌مه‌ سه‌رباری ئه‌وه‌ی كه‌ له‌ڕێگه‌ی شاشه‌ی جۆری سێدوورییه‌وه‌ نه‌فه‌ره‌كان

ده‌توانن هه‌ر وه‌رزشێك كه‌ خۆیان ئاره‌زووی ده‌كه‌ن ئه‌نجامی بده‌ن.

به‌هه‌مان شێوه‌یش ئه‌و فڕۆكه‌كه‌ كه‌ناڵه‌كانی سه‌ته‌لایت و ئینته‌رنێتی تێدا ده‌سته‌به‌ر ده‌كرێت،
له‌گه‌ڵ چه‌ندین شوێنی حه‌وانه‌ی جیاوازی وه‌كو دووكان و باڕ و شوێنی سه‌رگه‌رمی.

به‌گوێره‌ی به‌ڕێوه‌به‌ری جێبه‌جێكاری به‌شی ئه‌ندازیاری كۆمپانیاكه‌ (چارڵز چامپیۆن)
زیاتر له‌ یه‌ك ملیۆن و 700 هه‌زار كه‌س به‌شداری پرۆژه‌ی دروستكردنی فڕۆكه‌ی داهاتوو ده‌كه‌ن.

سایتی هه‌ولێر