ماهی من تهنها مههێکه سهد نوجوومی مهحو کرد
یاری من تهنها گوڵێکه سهد ههزاری گرتووه
دامهنی پاکی مهداری دائیرهی خامهک نییه
خوێنی مهقتولانه وا دامێنی یاری گرتووه
گهرد و بادی هیجری تۆ وا عالهمی لێ کردمه تۆز
نهک دوو چاوم، بهڵکه حهتتا دڵ غوباری گرتووه
شهربهتی عوننابی لێوی شهککهر و بادامی چاو،
سهروی قهددت ڕاسته ئهنواعی ثیماری گرتووه
لهعلی شهککهرباری تۆ تێراوه، شهککهر باریه
لێوی میحنهتباری من بێ ئاوه، باری گرتووه
پڕجهفایه، بێ وهفایه، زود جهنگه، دێر صوڵح
سهد درێخ و حهیفه تهبعی ڕۆزگاری گرتووه
یادی (کانی دمدم) و سهرچاوهکهی (مێگوڕ) دهکا
(بهکرهجۆ)ی چاوم که شێوهی (سهرچنار)ی گرتووه
بێ مهحابا ئاو دهڕێژێ گهھ به فهور و گهھ به دهور
چاوی من موددێکه شێوهی ئابشاری گرتووه
شهمعی بهزمی من کهوا سوتاوه، زهرد و ئهشک ڕێژ
قهت نییه فهردێک نهڵێ ڕهنگی مهزاری گرتووه
موددهعی زهجرم دهکات و، پێم دهڵێ: سهبرت ببێ
کهر به لهعنهت بێ که کهی عاشق قهراری گرتووه!
(نالی) وا دائیم که مهشغوڵی فوغان و ناڵهیه
باعیسی هیجرانی یاره دڵ شهراری گرتووه