گۆڵچی یانه‌ی وه‌رزشی هه‌ولێر سه‌رهه‌نگ موحسین به‌بۆنه‌ی به‌ده‌ستهێنانی خولی یانه‌ بژارده‌كانی عێراق بۆ جاری چوره‌م په‌یامێك ئاراسته‌ی هانده‌رانی یانه‌ی هه‌ولێر ده‌كات .

(( له‌ ناخی دڵمه‌وه‌ گه‌رمترین پیرۆزبایی خۆمان ئاراسته‌ی هانده‌رانی یانه‌ی وه‌رزشی هه‌ولێر ده‌كه‌م به‌ بۆنه‌ی به‌ده‌ست هێنانی نازناوی ئه‌م وه‌رزه‌ی خولی یانه‌ بژارده‌كانی عێراق ، خۆشحاڵ بووین كه‌ جه‌ماوه‌ری یانه‌كه‌مان به‌رده‌وام پاڵپشتمان بوون له‌ یارییه‌كان .

وه‌ له‌م وه‌رزه‌ سێ خاڵی زۆر گرینگ هه‌یه‌ كه‌ ئاماژه‌ی پێ بده‌ین :-

1 - ئه‌م وه‌رزه‌ یانه‌ی هه‌ولێر بۆ ماوه‌ی زیاتر له‌ 40 یاری چ له‌ خولی عێراقی یان له‌ خولی ئاسیا نه‌دۆڕاین و تاكه‌ یانه‌بووین له‌ عێراق ئه‌م ده‌ست كه‌وته‌ مه‌زنه‌مان به‌ده‌ست هێنا .
2 - له‌م وه‌رزه‌ تاكو ئێستا كه‌مترین گۆڵمان لێ تۆماركراوه‌ كه‌ ( 20 ) وه‌ زۆر ترین گۆڵیشمان تۆماركردووه‌ كه‌ ( 42 ) گۆڵه‌ ، به‌ر له‌ كۆتایی هاتنمان به‌ سێ یاری .
3 - یه‌كه‌مین یانه‌ین كه‌ توانیمان به‌ر له‌ سێ هه‌فته‌ پێش كۆتایی هاتن به‌ خولی عێراقی نازناوه‌كه‌ ده‌سته‌به‌ر بكه‌ین ، دوای په‌یڕه‌وكردنی ئه‌نجامدانی یارییه‌كان به‌ شێوه‌ی خوول ))

سه‌رهه‌نگ موحسین
   1 - 8 - 2012