پێغه‌مبه‌رمان ( صل الله‌ علیه‌وسلم ) ئادابی خواردنه‌وه‌ و سه‌ر سفری له‌به‌ر چاو ده‌گرت.
ناوه‌ڕۆکی په‌روه‌رده‌یی
" ڕۆله‌ ، بسم الله‌ بکه‌ و به‌ ده‌ستی ڕاستت و هه‌میشه‌ له‌به‌رده‌می خۆته‌وه‌ بخۆ "
یه‌کێك له‌ گرنگترین ئه‌و ئادابانه‌ی که‌ پێویسته‌ فێری منداڵ بکرێت بریتیه‌ له‌ ( ئادابی نان خواردن و سه‌ر خوان ) ئه‌مه‌ش بایه‌ختی شێوازی نان خواردنه‌که‌ و کاته‌که‌ی و دانانی ڕێز بۆ ئه‌و خوانو له‌و منداڵه‌ ده‌گه‌یه‌نێت. فێرکردنی سوپاسگوزاری له‌سه‌ر خواردن و هه‌ستیاری نیشاندان به‌رامبه‌ری له‌لایه‌ن منداڵه‌وه‌
بۆیه‌ پێویسته‌ کۆبوونه‌وه‌ی ئه‌ندامه‌کانی خێزان له‌ ده‌وری یه‌ك لانی که‌م ئه‌وانه‌ی له‌وکاته‌دا له‌ ماڵن ، له‌سه‌ر یه‌ك خوان و سوپاسگوزارییان له‌سه‌ر ئه‌و خواردنه‌ ، که‌شێکی ئه‌وه‌نده‌ جوان دروست بکات که‌ منداڵه‌که‌ش حه‌زی پێ بکات و له‌سه‌ری ڕابێت.
پێویسته‌ دانیشطنی خێزانێك به‌ کۆمه‌ڵ له‌ ده‌وری یه‌ك و له‌سه‌ر یه‌ك خوان له‌ جێی ( مێزی لێپرسینه‌وه‌ و ڕه‌خنه‌ گرتن ) بکرێته‌ شوێنی ( پیاهه‌ڵدان و قسه‌ی خۆش ) بێگومان وه‌ك ئه‌وه‌ی پێغه‌مبه‌ری خوا پێی هه‌ستاوه‌ ، منداڵ ڕابهێنرێت له‌ سه‌ر پاککردنه‌وه‌ی ده‌م و ده‌ست پێش و پاش نان خواردن
ئه‌نه‌س ده‌فه‌رمووێت : پێغه‌مبه‌ری خوا ( صل الله‌ علیه‌وسلم ) له‌سه‌ر سفره‌ نانی ده‌خوارد و باسی له‌ زیانه‌کانی نان خواردن به‌ پێوه‌ و به‌ ڕۆیشتنه‌وه‌ بۆ ده‌کردین .
هه‌روه‌ها له‌باره‌ی زیاده‌ ڕه‌وی ده‌فه‌رمووێت :
" هه‌ر که‌س له‌ قاپێکدا بخوات و له‌ پاش ته‌واو بوون قاپه‌که‌ی پاکباته‌وه‌ ، ئه‌و قاپه‌ داوای لێخۆشبوونی له‌ خوا بۆ بکات "
په‌یامی ئه‌و فه‌رمووده‌ چه‌ند هه‌ستیاره‌ .. ئه‌وه‌نده‌ی بۆتان ده‌خورێت خواردن ئاماده‌ بکه‌ن ، ئه‌وه‌ی که‌ ئاماده‌تان کردوه‌ ته‌واوی بکه‌ن و به‌ ڕشتنی زیاده‌ ڕه‌وی مه‌که‌ن.
وه‌ ڕێژه‌ی خواردنیشی دیاری کردووه‌
" گه‌ده‌تان بکه‌ن به‌ سێ به‌شه‌وه‌ ، به‌شێك بۆ خواردن ، به‌شێك بۆ ئاو ، به‌شێكیش بۆ هه‌ناسه‌ "
ئه‌بو هوره‌یره‌ له‌باره‌ی نانخواردنی پێغه‌مبه‌ری خواوه‌ به‌م شێوه‌یه‌ ده‌دوێت " پێغه‌مبه‌ری خوا هه‌رگیز که‌م و کورتی له‌ خواردن نه‌ده‌دۆزیه‌وه‌، ئه‌گه‌ر پێی خۆش بووایه‌ ده‌یخوارد و پێی ناخۆش نه‌بوایه‌ وازی لێ ده‌هێنا "
ئه‌م یاده‌وه‌ریه‌ی ابن عمریش له‌گه‌ل پێغه‌مبه‌ری خوا له‌باره‌ی ئادابی سه‌ر سفره‌ و میواندریه‌وه‌ ، جوانترین ڕه‌وشته‌ " ئه‌وانه‌ی له‌ ده‌وری یه‌ك له‌سه‌ر خوانێك کۆده‌بنه‌وه‌ ، با تاکو لابردنی سفره‌که‌ هه‌ڵنه‌ستن ، چونکه‌ ڕه‌نگه‌ که‌سانێك له‌ناویاندا له‌به‌ر شه‌رم کردن له‌به‌ر ئه‌وه‌ تێر بخۆن و هه‌ستن
خێزانه‌کانمان له‌م جۆره‌ ره‌وشت و ئادابانی خۆشه‌ویست ( صل الله‌ علیه‌وسلم ) زۆر پێویستیان پێی هه‌یه‌، هیوام وایه‌ هه‌موو لایه‌ك ئه‌و ڕه‌وشت و ئادابانه‌ زیندوو بکه‌ینه‌وه‌.