له‌خولی عێراق مێژوو ده‌ڵێت دهۆك سه‌رده‌كـه‌وێت بۆ چوارگۆشه‌ی زێرین !
ئایه‌ مێژوو به‌هـانه‌ی دهۆك دێت یـان ئه‌وئاسته‌ی ئێستا پێشكه‌شی ده‌كـات ؟!
راپۆرت : سـانی نـاصیح: - ( YSm21.net )
دووای ته‌واوبوونی یـارییه‌كـانی خـولی نـایابی عێراق له‌ كۆمـه‌ڵه‌كـان هه‌شت یـانه‌ سه‌ركه‌وتن بۆ قۆنـاغی داهـاتوو یه‌كێك له‌ ویانه‌ یانه‌ی دهۆك بوو كه‌توانی خۆی بگێنێته‌ قۆنـاغی هه‌شته‌م ، یانه‌ی دهۆك له‌م قۆنـاغه‌ رووبه‌رووی یـانه‌كـانی ( میناء و جه‌ویه‌ و نه‌وتی باشور )ده‌بێته‌وه‌.

یـانه‌ی دهۆك له‌ گروپی دووه‌م یاری ده‌كـرد له‌ كۆی ( 16 )یاری توانی ( 5 )سه‌ركه‌وتن و ( 6 )به‌رامبه‌ر و ( 5 )دۆراندنی هه‌بوو ، به‌كـۆكـردنه‌وه‌ی ( 21 )خـاڵ به‌پله‌ی چواره‌م سه‌ركـه‌وت بۆ قۆنـاغی دووه‌م .
یانه‌ی دهۆك 18 گۆڵی تۆمـار كـرد و 21 گۆڵی لێ كرا .

یـانه‌ی جه‌ویه‌ له‌ له‌گورپی یه‌كه‌م یاری ده‌كـرد له‌ كۆی ( 18 )یاری توانی ( 9 )سه‌ركه‌وتن و ( 6 )به‌رامبه‌ر و ( 3 )دۆراندنی هه‌بوو به‌پله‌ی یه‌كه‌م به‌كـۆكـردنه‌وه‌ی ( 33 )خـاڵ سه‌ركه‌وت بۆ قۆنـاغی داهـاتوو .
یانه‌ی جه‌ویه‌ 20 گۆڵی تۆمـار كـرد و 10 گۆڵی لێ كـرا .

یانه‌ی مینـاء له‌ گرووپی دووه‌م یاری ده‌كـرد ، له‌كۆی ( 16 )یاری ( 7 )سه‌ركه‌وتن و ( 4 )به‌رامبه‌ر و ( 5 )دۆراندنی هه‌بوو به‌پله‌ی دووه‌م  به‌كـۆكـردنه‌وه‌ی ( 25 )خـاڵ سه‌ركه‌وت بۆ قۆنـاغی داهـاتوو .
یانه‌ی میناء 22 گۆڵی تۆمـار كـرد و 18 گۆڵی لێ كـراوه‌ .

یانه‌ی نه‌وتی باشور له‌گروپی یه‌كه‌م یاری ده‌كـرد له‌ كۆی ( 18 )یاری توانی ( 9 )سه‌ركه‌وتن و ( 3 )به‌رامبه‌ر و ( 6 )دۆراندنی هه‌بوو به‌پله‌ی سێیه‌م  به‌كـۆكـردنه‌وه‌ی ( 30 )خـاڵ سه‌ركه‌وت بۆ قۆنـاغی داهـاتوو .
یانه‌ی نه‌وتی باشور 20گۆڵی تۆمـار كرد و 17 گۆڵی لێ كرا .

ئه‌گه‌ر سه‌ری مێژوو یارییه‌كـانی یانه‌ی دهۆك بكه‌ین به‌رامبه‌ر ئه‌م یانـانه‌ میناء و جه‌ویه‌ و نه‌وتی باشور   بكه‌ین له‌خـولی نایابی عێراق ئه‌وه‌ پێمـان ده‌ڵێ یانه‌ی دهۆك به‌ئـاسانی ده‌توانێت سه‌ركه‌وتن به‌ده‌ست بهێنێت و خۆی بگه‌ینێته‌ چوارگۆشه‌ی زێرین .

یـانه‌ی دهۆك له‌گه‌ڵ یـانه‌ی میناء ( 14 )یـاری ئه‌نجـام داوه‌ ، دهۆك( 8 )یاری سه‌ركه‌وتنی به‌ده‌ست هێنـاوه‌ ، ( 4 )یاری دۆراندووه‌ ، له‌( 2 )یاری به‌رامبه‌ر بوونه‌ .

دهۆك له‌ گه‌ڵ یـانه‌ی جه‌ویه‌ ( 25 )یاریان كـردووه‌ ، دهۆك ( 6 )یاری سه‌ركه‌وتنی به‌ده‌ست هێناوه‌ ، ( 12 )یاری دۆراندووه‌ ، له‌ ( 7 )یاری به‌رامبه‌ر بوونه‌ .

دهۆك له‌ گه‌ڵ یـانه‌ی نه‌وتی باشور ( 7 )یاریان ئه‌نجـام داوه‌  ، دهۆك ( 5 )یاری سه‌ركه‌وتنی به‌ده‌ست هێنـاوه‌ ، ( 1 )یاری دۆراندووه‌ ، له‌ ( 1 )یاری به‌رامبه‌ر بوونه‌ .

ئه‌م هـه‌موو داتـاو ئـامـاره‌نـا چمـان پێ ده‌ڵێن ئه‌یـا مێژوو فیـاری دهۆك ده‌كه‌وێت ؟ یـان به‌و ئاسته‌ی ئێستـایی یانه‌ی دهۆك ده‌توانێت سه‌ركه‌وت بۆ قۆنـاغی داهـاتوو ؟ ئه‌م پرسیـارانه‌ یـانه‌ی دهۆك  له‌یـارییه‌كـانی قۆنـاغی هه‌شـته‌م وه‌ڵامان ده‌داته‌وه‌ .

یـارییه‌كـانی قۆنـاغی هه‌شته‌م له‌رۆژی شه‌مـمـه‌( 16 / 5 / 2015 ) به‌رێوه‌ ده‌چێت، یـانه‌ی دهۆك یه‌كه‌م یاری له‌نێو یاریگـای خۆی ئه‌نجـام ده‌دات به‌رامبه‌ر یـانه‌ی مینـاء .