بێگومان گواستنه‌وه‌ى خانوبه‌ره‌ كارێكى ئه‌سته‌مه‌و ته‌نانه‌ت خانوه‌ سه‌فه‌ریه‌كانیش زۆر جار گرفت دروست ده‌كه‌ن و ده‌بنه‌ هۆى ناخۆشى له‌كاتى گواستنه‌وه‌،به‌ڵام ئه‌م جاره‌یان جیا له‌جاره‌كانى پێشوو بۆیه‌كه‌م جار خانویه‌ك له‌ شێوه‌ى هێلكه‌دا و به‌ قه‌باره‌یه‌كى گونجاو دروست ده‌كرێت و ده‌توانرێت به‌ شێوه‌یه‌كى زۆر ئاسان بگوازرێته‌وه‌،ئه‌م خانوه‌ بچوكه‌ جگه‌ له‌وه‌ى ده‌توانرێت به‌ئاسانى بگوازرێته‌وه‌ له‌هه‌مان كاتدا جێگاى زۆر كه‌س ده‌بێته‌وه‌ بۆ ئه‌وه‌ى له‌ناویدا بخه‌ون.
شایه‌نى باسه‌ نه‌خشه‌سازى ئه‌و خانوه‌ نوێه‌ له‌لایه‌ن كۆمپانیاى dmvA به‌لیجكى كه‌ تایبه‌ته‌ به‌ هێلكه‌ دروست كراوه‌و ناوى ئه‌م خانوه‌ش بریتیه‌ له‌ blob VB3،ئه‌م خانوه‌ له‌لاه‌ن چه‌ند ئه‌ندیازیارێكى كۆمپانیاى ناوبراو دروست كراوه‌ كه‌سه‌رنج رِاكێشى ئه‌م نه‌خشه‌یه‌ش له‌وه‌دایه‌ كه‌ قه‌باره‌ى خانوه‌كه‌ زۆر بچووكه‌ به‌ڵام له‌ناوه‌و پێچه‌وانه‌ ده‌رده‌كه‌وێت و ده‌توانیت به‌ ئاسووده‌یى دابنیشتیت و بخه‌ویت.
تایبه‌تمه‌ندیه‌كانى ئه‌و خانوه‌ بریتیه‌ له‌ به‌رگێگى ئه‌ستور به‌ شێوه‌یه‌ك له‌كاتى گواستنه‌وه‌ هیچ مه‌ترسیه‌كى شكانى نیه‌و له‌هه‌مان كاتدا بالیف و دۆشه‌كى تایبه‌تى و شوێنى هه‌ڵواسینى جلوبه‌رگ و چێشتخانه‌و گه رماو و كتێبخانه‌ى تێدایه‌.