David P. Goldman نوسەر و ئابوریناسی جولەكە، لە سایتێكدا دەڵێ هەركەس بتوانێ 1000 وشە لەبارەی ئەم پرسیاره‌وه‌ بنوسێ بە شەخسی 100 دۆلاری دەدەمێ. پرسیارەكەی گۆڵدمان ئەمەیە "بۆ فەلەستینییەكان شایستەی ئەوەن ببن بە دەوڵەت و كورد شایستەی ئەوە نییە؟". گۆڵدمان هەندێ بەرچاوڕوونی دەداتە ئەوانەی بەشداری كێبڕكێی نوسینەكە دەكەن، "كورد نەتەوەیەكی 35 ملیۆنین، بە بەراورد بە 6 ملیۆن فەڵەستینی. كورد نەتەوەیەكن لە عەرەب و تورك و فارس و جیان. زمان و كلتوری تایبەتی خۆیان هەیە. هەمیشە لەخەباتدان لەپێناوی خۆڕێبەری و لەو نێوەندەدا سەددام حسێن 300،000 كوردی لەناوبردوە. توركیاش 40،000 جەنگاوەری كوردی لەناوبردوە، كە لەپێناو سەربەخۆیی كورددا تێكۆشاون، كەم میللەتێكیش هەیە هێندەی كورد چەوسێنرابێتەوە، یان وەك كورد لە خەمی پاراستنی كلتورەكەیدا بووبێت، یان سەرسەختی پیشان دابێت لەپێناو سەربەخۆییدا، یان پیشانی دابێت كە توانای خۆبەڕێوەبردنی هەیە".
گۆڵدمان داوا دەكات بەشداربوو تیشك بخاتە سەر ئەوەی كە بۆ مافی مرۆڤ هێندە بە تەنگ غەزەوەیە كە پێی باشە گەمارۆكەی ئیسرائیلی لەسەر بشكێنێ، بۆ لە ئەردۆگانی قەبوڵدەكات، كە بڵێ یاخیبوانی كورد "لە خوێنی خۆیاندا نقوم دەكەم".