دوورگه‌- چه‌ند لێكۆڵه‌رێكی دانیماركی له‌ ئاكامی لێكۆڵینه‌وه‌یه‌كدا گه‌یشتوونه‌ته‌ ئه‌و راستییه‌ی كه‌ خواردنی خۆراك له‌ نیوه‌شه‌ودا زیان به‌ ته‌ندروستی مرۆڤ ده‌گه‌یه‌نێت. له‌مباره‌وه‌ رادیۆی (بی. بی. سی) بڵاویكرده‌وه‌ كه‌ ئه‌و لێكۆڵه‌رانه‌ سه‌ر به‌ زانكۆی (كۆپنهاگن)ی وڵاتی دانیماركن به‌هاوكاری چه‌ند زانایه‌كی ئه‌مریكی لێكۆڵینه‌وه‌یان ئه‌نجامداوه‌ و له‌ ئاكامی لێكۆڵینه‌وه‌كه‌شدا ئه‌وه‌یان بۆ ئاشكرا بووه‌ كه‌ خواردنی خۆراك له‌ نیوه‌شه‌ودا زیانی بۆ مرۆڤه‌كان هه‌یه‌. به‌پێی لێكۆڵینه‌وه‌كه‌ خواردنی خۆراك له‌ نیوه‌شه‌ودا ده‌بێته‌ هۆی زیان گه‌یاندن به‌ ددانه‌كانی مرۆڤ، چونكه‌ مرۆڤ كه‌ له‌ رۆژدا خوراك ده‌خوات و ژه‌مه‌ دیاریكراوه‌كانی خۆی ده‌خوات، به‌ڵام كه‌ له‌نیوه‌شه‌ودا خۆراك ده‌خوات ئه‌وه‌ پاشماوه‌كانی خۆراكه‌كه‌ به‌درێژایی شه‌و له‌ناو ده‌میدا ده‌مێنێته‌وه‌..ئه‌مه‌ش ده‌بێته‌ هۆی تێكچوون و خراپبوونی ددانه‌كانی مرۆڤ