زارۆكه‌ک د ئاڤا هاڤینگه‌ها سیلاڤێ دا خه‌ندقى
Peyamner - زارۆكه‌كێ مه‌سیحى ژ خێزانا خو ل هاڤینگه‌ها سیلاڤێ به‌رزه‌ دبیت و پشتى 9ده‌م‌ژمێرێن لێگه‌ریانێ، ب خه‌ندقى د ناڤ مه‌له‌ڤانگه‌هه‌كێ دا هاته دیتن.

ژێده‌ره‌كێ باوه‌رێ ل رێڤه‌به‌ریا پۆلیسێن ئامێدیێ بو ئاژانسا په‌یامنێر راگه‌هاند: "دوهى ل ده‌‌مژمێر 11ێ سپێدێ ئه‌م هاتینه‌ ئاگاداركرن كو زارۆكه‌كێ 9ساڵى ل هاڤینگه‌ها سیلاڤێ به‌رزه‌ بوویه‌،  ده‌م لده‌ست ئه‌م ب هه‌مى پێرابوونێت پێتڤى رابووین ئه‌نجام ژلایێ ده‌یكا زارۆكى ڤه‌ پێلاڤێت وى ل سه‌ر مه‌له‌ڤانگه‌ها سیلاڤێ هاته دیتن و مه‌ ئاڤا مه‌له‌ڤانگه‌هێ به‌رداو  ل ده‌م‌ژمێر 7ێ ئێڤاری ته‌رمێ وى زارۆكى ب خه‌ندقى ل بنێ مه‌له‌ڤانگه‌هێ هاته‌ دیتن.

هه‌ر وى ژێده‌رى دیاركر كو، ناڤا وى زارۆكى "نه‌میر سه‌لام" بوو خه‌لكێ باژێركێ "ئه‌لقوش"ـه‌ و هاولاتییه‌كێ مه‌سیحى بوو دیاره‌ ب سه‌ردان هاتینه‌ ئینشكێ و پاشى دگه‌ل كه‌سوكارێن خو هاتینه‌ هاڤینگه‌ها  سیلاڤێ بو گه‌شتیارى و ل وى جهى زارۆک ژێ ڤه‌قه‌تیایه‌ و لدیفدا ئه‌و روودان په‌یدا بوو،  ته‌رمێ وى هاته‌ ڤه‌گوهازتن بو نه‌خوشخانا ئامێدیێ و پاشى بو پزیشكێ داد ل دهۆکێ و هه‌تا نها ئه‌گه‌رێن ڤێ روودانى دیار نه‌بوونه‌.