زانایانى زانكۆى میشیگانى ئه‌مریكى له‌ ئه‌نجامى لێكۆلینه‌وه‌یه‌كى تازه‌ى زانستیدا ئاشكرایان كردووه‌ ، كه‌ میوه‌ى ترێ مرۆڤ له‌ هۆكاره‌كانى به‌رپرس له‌ تووشكردنى به‌ نه‌خۆشیه‌كانى دڵ ڕزگار ده‌كات ، وه‌ به‌رگریش له‌ نه‌خۆشی جۆرى دووه‌مى شه‌كره‌ ده‌كات ، ئه‌مه‌ش به‌هۆى بوونى پێكهاته‌ى دژه‌ ئۆكسیدى له‌ میوه‌ى ترێ دا .

زانایان لێكۆلینه‌وه‌یه‌یان له‌سه‌ر مشك ئه‌نجام داوه‌ ، وه‌ هه‌ڵساون به‌پێدانى ترێی ڕه‌ش و سورو سه‌وز ، له‌گه‌ل سیسته‌مى خۆراكى به‌رزكه‌ره‌وه‌ى چه‌ورى .

هه‌روه‌ها پاش سێ مانگ له‌سه‌ر چاودێرى كردنى مشكه‌كان بۆ زانایان ده‌ركه‌وت كه‌ پاله‌په‌ستۆى خوێن نزم بووته‌وه‌و چاڵاكیه‌كانى دڵیش به‌هێزبوون و دیارده‌ى هه‌وكردنى دڵ و خوێن و ئاستى چه‌ورى سێیه‌كى زیانبه‌خش كه‌مبووته‌وه‌ له‌لایه‌ن ئه‌و مشكانه‌ى میوه‌ى ترێیان پێداوه‌ ، له‌چاو ئه‌وانه‌ى خۆراكى تریان پێداوه‌ .

زانایان ئاماژه‌شیان به‌وه‌دا كه‌ گۆشراوه‌ى ترێ ، هیچ كاریگه‌ریه‌كى له‌سه‌ر گوڕانى كێشی له‌شی مشكه‌كان نه‌بووه‌ ، كه‌چی كاریگه‌ریه‌كى نێگه‌تیڤى هه‌یه‌ له‌سه‌ر ته‌ندروستى مشكه‌كان و به‌رگری كردن له‌ خانه‌كانى دڵ له‌ دژى له‌ناوچوون ، ئه‌مه‌ش به‌هۆى بوونى پێكهاته‌ى دژه‌ ئۆكسیدى له‌ میوه‌ى ترێ دا .

مه‌کۆی فرمێسكه كان