باشتر وایه‌ سه‌یری ده‌رونی خۆمان بکه‌ین!!

پیاوێک هه‌ستی کرد که‌ هاوسه‌ره‌که‌ی هه‌ستی بیستنی لاواز بووه‌ ، وه‌ گوێی گران بووه‌ .
وای هه‌ستکرد که‌ هاوسه‌ره‌که‌ی ئه‌بێت ئامێری هه‌ستیاری بیستن دابنێت ، به‌ڵام نه‌یئه‌زانی چۆن ئه‌م قسانه‌ به‌ خێزانه‌که‌ی بڵێت داوای ئه‌وه‌ی لێبکات .
بۆ ئه‌م مه‌به‌سته‌ سه‌ردانی پزیشکی تایبه‌تی خێزانه‌که‌یانی کرد و کێشه‌که‌ی بۆ باسکرد .
پزیشکه‌که‌ گوتی : بۆ ئه‌وه‌ی بتوانێت ڕاستتر به‌ من بڵێیت لاوازبوونی بیستنی هاوسه‌ره‌که‌ت چه‌نده‌یه‌ ، ئه‌بێت پشکنینێکی ساده‌ بکه‌یت و ئه‌نجامه‌که‌ی به‌ من بڵێ تا بتوانم ئامێری بیستنت به‌پێی لاوازبوونی بیستنی خێزانه‌که‌ت بده‌مێ .
سه‌ره‌تا له‌ دوری نزیکه‌ی 4 مه‌تره‌وه‌ پرسیارێک له‌ خێزانه‌که‌ت بکه به‌ ده‌نگێکی ئاسایی ، ئه‌گه‌ر گوێی لێ نه‌بوو ئه‌وا نزیکتر به‌ره‌وه‌و له‌ دوری 3 مه‌تر هه‌مان پرسیار بکه‌ ، ئه‌گه‌ر دیسان گوێی لێ نه‌بوو ئه‌وا له‌ دوری 2 مه‌تر و به‌هه‌مان شێوه‌ نزیک ببه‌ره‌وه‌ تا ئه‌و کاته‌ی گوێی لێ ئه‌بێت و ئه‌و کات به‌ من بڵیره‌وه‌.
ئه‌و شه‌وه‌ هاوسه‌ری پیاوه‌که‌ له‌ مه‌تبه‌خ سه‌رقاڵی ئاماده‌کردنی خواردن بوو و پیاوه‌که‌ش له‌ ژوری دانیشتن بوو .
پیاوه‌که‌ وتی: ئێستا دوری نێوانمان نزیکه‌ی 4 مه‌تر ده‌بێت ، ئێستا تاقیکردنه‌وه‌که‌ ئه‌نجام ئه‌ده‌م ، بۆیه‌ پرسیاره‌که‌ی خۆی کرد...

گوێی له‌ هیچ وه‌ڵامێک نه‌بوو ، هه‌ستا و یه‌ک مه‌تر چووه‌ پێشتر دیسانه‌وه‌ پرسیاری کرد ، ئه‌مجاره‌ش هیچ وه‌ڵامێکی نه‌بیست ، جاری سێیه‌م چووه‌ به‌رده‌م ده‌رگای مه‌تبه‌خه‌که‌و پرسیاره‌که‌ی کرده‌وه‌ ، به‌ڵام دیسان هیچ وه‌ڵامێکی نه‌بیست ، بۆیه‌ چووه‌ نزیکی هاوسه‌ره‌که‌یه‌وه‌ له‌ پشتیه‌وه‌ وه‌ستا و پرسیاره‌که‌ی دوباره‌ کرده‌وه‌ وتی : ئــــازیزم بۆ نانی ئێواره‌ چیمان هه‌یه‌ ؟؟!!!

ئه‌مجاره‌ هاوسه‌ره‌که‌ی وتی :" ئه‌ڵێی که‌ڕیت؟!! ئه‌مه‌ چواره‌م جاره‌ ئه‌ڵێم مریشکمان هه‌یه‌ه‌ه‌ه‌!!!

" هه‌ندێکجار خراپ نیه‌ مرۆڤ سه‌یرێکی ده‌رونی خۆی بکات ، چونکه‌ له‌وانه‌یه‌ که‌م و کوڕی له‌ خۆمانه‌وه‌ بێت ، به‌ڵام ئێمه‌ وا ئه‌زانین که‌سانی به‌رامبه‌رمان هه‌ڵه‌و که‌م و کوڕیان هه‌یه‌ ، که‌ له‌ ڕاستیدا خۆمان خاوه‌نی هه‌ڵه‌که‌ین"!!.