ده‌سته‌لاتدارانى ژینگه‌ له‌ ولاتى فلیپین ڕایانگه‌یاند ، كه‌ تیمساحێكى زه‌به‌لاح له‌ ئاوه‌كانى ولاته‌كه‌یاندا ڕاوكراوه‌ ، كه‌ درێژیه‌كه‌ى ده‌گاته‌ نزیكه‌ى 21 پێ ، ئه‌مه‌ش یه‌كسانه‌ به‌ 6,5 مه‌تر ، وه‌ كێشه‌كه‌ى ده‌گاته‌ 2370 پاوه‌ند ، ئه‌ویش یه‌كسانه‌ به‌ یه‌ك ته‌ن و 75 كیلۆگرام ، كه‌ تا ئێستاش به‌ گه‌وره‌ترین جۆرى تیمساح داده‌نرێت له‌ جیهاندا .

به‌پێی هه‌واڵى مالپه‌رى "سی ئێن ئێن" ئه‌م تیمساحه‌ زه‌به‌لاحه‌ له‌ ناوچه‌ى "ئۆگوسان دیل سور" له‌ باشورى دوورگه‌ى "میندیناو" كه‌ به‌ دوورى 500 كیلۆمه‌تر له‌ شارى مانێلاى پایته‌ختى فلیپینه‌وه‌ دووره‌ ڕاوكراوه‌ .

هه‌روه‌ها تیمى ڕاوكه‌ران نزیكه‌ى 30 پیاو ده‌بوون كه‌ توانیویانه‌ پاش 21 ڕۆژ ئه‌م تیمساحه‌ ڕاوبكه‌ن ، له‌ رێگه‌ى پێدانى برێكى زۆرى گۆشت و به‌كارهێنانى تولى كانزاى به‌ درێژى هه‌شت ملیمه‌تر.

به‌پێی ڕاپۆرتى ئاژانسی "گینیس" بۆ ژماره‌ى پێوانه‌ى ، گه‌وره‌ترین تیمساح تا ئێستا درێژیه‌كه‌ى ده‌گاته‌ 18 پێ كه‌ له‌ یه‌كێك زه‌ریایه‌كانى ناوچه‌ى "كاسیوس" له‌ باكورى ئسترالیا ده‌ژیت ، به‌لام ئه‌مه‌ى ئێستا ڕاوكراوه‌ توانى ئه‌م ژماره‌یه‌ بشكێنێت و ژماره‌یه‌كى پێوانه‌ى تازه‌ وه‌ك گه‌وره‌ترین تیمساح له‌ جیهاندا تۆماربكات .

                                                               س : ktv