kurdsat
کۆڵۆمبیا بەرزترین ئاستی ھەناردەکردنی پەپولە گرانبەھاو ناوازەکان تۆماردەکات‌و مانگانەش چەندین ھەزار جۆری پەپولە ھەناردەی ئەمریکاو ئەوروپا دەکات.
لەنێو تەنیا دە کۆمپانیای جیھانیدا، کۆمپانیایەکی تایبەت لە کۆڵۆمبیا ئەرکی کۆکردنەوەو بەخێوکردنی چەندین جۆری پەپولەی گرتۆتە ئەستۆ، و خانمێکیش پرۆژەیەکی تایبەتی خستۆتەگەڕ بۆ بەرھەمھێنان‌و ئامادەکردنی خۆراک بۆ جۆرە جیاکانی پەپولە لەو وڵاتەدا.
ئەو پرۆژەیە لە ناوچەیەکی پێدەشتەکانی (کۆکا) لە کۆلۆمبیا بەڕێوەدەچێت‌و خۆی دەبینێتەوە لە کۆکردنەوەو چاودێریکردنی کرمۆکەکان‌و پەروەردەکردنیان.
جێی ئاماژەیە، ولاتانی ئەمریکاو ئەوروپا بەگرنگییەوە تامەزرۆی کڕینی بڕێکی زۆری ئەو پەپولانەن، چونکە پیشەگەران‌و دیزاینەرانی بواری جوانکاری سود لە باڵە رەنگاورەنگەکانی پەپولە دەبینن بۆ دیزاینکردنی ئاڵتون‌و بابەتەکانی رازاندنەوە.