یانه‌ی هه‌ولێر له‌نێو ئاپۆڕای جه‌ماوه‌ دوو خاڵی گرینگی له‌ده‌ستدا كه‌ ده‌بوایه‌ سه‌ركه‌وتن به‌ده‌ست بێنێت چونكه‌ هێرشبه‌ران چه‌ندین هه‌لی ئاسانیان بۆ ڕیك كه‌وت به‌ تایبه‌تی یاریزان " أمجد ڕاضی "
یارییه‌كه‌ به‌ گۆڵیك بۆ هه‌ردوو لا به‌كۆتا هات گۆڵی یانه‌ی كازمه‌ی كوێتی له‌خوله‌كی " 70 " یاریزان " حمد سلطان الحربي " تۆماری كرد كه‌ هه‌له‌كه‌ له‌ لایه‌ن هێلی ناوه‌راست بوو گۆڵچی بێ تاوان بوو چونكه‌ له‌ شوينى كونجاو وه‌ستا بوو و گۆڵی یه‌كسانیش یاریزانی ڕه‌ش پێستی نێجیری " ئۆبۆدی ئیفی " له‌ خوله‌كی " 77 " تۆماری كرد .

ئه‌وه‌ی جێگای سه‌ره‌نجه‌ پیش یارییه‌كه‌ و له‌كۆنگره‌یه‌كی ڕۆژنامه‌وانیدا ڕاهێنه‌ری چیكی " میلان ماشالا " گوتی چوار یاری مانگی شوباتی یانه‌ی هه‌ولێرم به‌شێوه‌یه‌كی ڕاسته‌وخۆ بینیوه‌ به‌ڵگه‌ش بۆ ئه‌م قسه‌یه‌ له‌ كۆنگره‌كه‌ ده‌ست خۆشی له‌ " سه‌رهه‌نگ موحسین " كرد و گوتی تۆ گۆڵچی یانه‌ی هه‌ولێری ئه‌مه‌ له‌لایه‌ك .
له‌لایه‌كی تره‌وه‌ پاش كۆتایی هاتنی یارییه‌كه‌ كه‌ خۆم له‌ كۆنگره‌كه‌ ئاماده‌بووم گوتی هیچ یارییه‌كی یانه‌ی هه‌ولێرم نه‌بینیوه‌ بۆ ئه‌م مه‌به‌سته‌ش كاك " ئه‌رسه‌لان عبدااله " ڕۆژنامه‌ نووس له‌ ڕۆژنامه‌ی هه‌ولێر پرسیاری لێ كرد گوتی دوێنی گوتت بینیومه‌ ! به‌ پێكه‌نینه‌وه‌ وه‌ڵامی دایه‌وه‌ گوتی به‌ڵێ له‌ ئینته‌رنێت بینیومه‌ ..

پاشان ڕۆژنامه‌نووسێكی تر پرسیاری له‌ " نزار مه‌حروس "ـی سووری كرد و گوتی كێ به‌رپرسیاره‌ له‌ گۆڵه‌كه‌ی هه‌ولێر " سه‌رهه‌نگ موحسین " یان "یاریزانان" ؟ له‌ وه‌ڵامدا ووتی سه‌رهه‌نگ به‌ هیچ شێوه‌یه‌ك خه‌تا بار نیه‌ چونكه‌ تۆپه‌كه‌ له‌ ناكاو هات و هێلی ناوه‌ڕاست به‌رپرسیارن .

ئاماده‌كردنی / ئاسۆ یاسین