KTV ...

كۆمپانیای "هابلۆت"ی سویسرا به‌نرخترین كاتژمێری جیهانی دروستكردووه‌ ، كه‌ ئه‌م كاتژمێره‌ له‌ زێری سپی دروست كراوه‌و 1282 پارچه‌ ئه‌ڵماسی تێیدا به‌كارهاتووه‌ ، نرخه‌كه‌شى 5 ملیۆن دۆلاره‌ .

ئه‌م كاتژمێره‌ له‌ نمایشێكی تایبه‌تدا بۆ ده‌وڵه‌مه‌نده‌كانی جیهان له‌ شاری بازڵی سویس پیشانی میدیاكان دراوه‌.

ده‌زگای هه‌واڵنێری فه‌ره‌نسا له‌وباره‌یه‌وه‌ ده‌ڵێت: 17 كه‌س بۆ ماوه‌ی 14 مانگ سه‌رقاڵی دروستكردنی ئه‌و كاتژمێره‌ بوون.

هه‌روه‌ها كارناسێكی ئه‌مریكی بۆ دروستكردنی ئه‌و كاتژمێره‌ یارمه‌تی ئه‌و گروپه‌ی داوه‌.

كارناسانی ئابووری جیهانى له‌باره‌ی پیشه‌ی دروستكردنی كاتژمێری لوكس و به‌نرخ ده‌ڵێن: له‌گه‌ڵ بوونی قه‌یرانی ئابووری جیهانى داواكاری بۆ كاتژمێری گران به‌ها له‌ لایه‌ن وڵاتانی ئاسیایی زۆر بووه‌ و كۆمپانیاكانی دروستكردنی كاتژمێر له‌ ساڵی رابردوو داهاتی باشیان به‌م هۆیه‌وه‌ په‌یدا كردووه‌ .