دەریایەك ووشە لە دڵمان
من نازانم بۆی هەڵڕێژم
یان هەر لەناو گۆڕستانی
دڵی خۆما بیاننێژم !!!؟؟؟

كەس وەك و ئەو
وا بە ناسكی نەیكوشتم ...
دواین نیگای
ڕۆحی هێنایە ناو مشتم .

هیچم وەكو خۆی كار ناكا
نە ترپە ,نە دەست ,نەچاوم
كە نەمردوم
لە بەدبەختی خۆمە ماوم

كەسێكیش نیە پێی بڵێ
ئەرێ كچە بێئاگاكە
كورێك لەسەرەمەرگایەو
بە دیدەنی تۆ چا ئەبێت

لوتف بكەی ,بەنازی خۆت
دەستێك بە دڵیا بهێنی
بەڵكو بچیت لەو ئازاری
ڕۆح كێشانە ,دەریبێنی.....

بەڵێن سەنگاوی