قه‌سیده‌ی
{{كۆلانی عیشق}}
عیشق له‌ كۆلانێك ئه‌چێت
ده‌رگای كۆلانه‌كه‌ به‌ قوفلێكی سوور
له‌ ژێره‌وه‌ فه‌رشێكی په‌مه‌ی
له‌م لاوه‌ دوو كۆتری سپی
له‌ به‌رامبه‌رت كانیه‌ك له‌ چاوی یار ئه‌چێت
ناوه‌راستی شه‌قامه‌كه‌ رۆژانێكی خۆشن
رۆژی واهه‌یه‌ ئه‌بینی چۆله‌كه‌ی سه‌یر سه‌یر
له‌ پال گولی باغه‌كان ئه‌خوێنن
سه‌یری عیشق ده‌كه‌ن جوانتر ئه‌بن
رۆژانێكی واهه‌یه‌ ئه‌بینی باران نم نم
ئه‌بارێت به‌سه‌ر گولی نێرگزه‌كان
له‌م لاوه‌ كچێك به‌ جلێكی سووره‌وه‌
به‌دیار كورێكی ریشن وه‌ستاوه‌
كورێك ئاوازی عیشق ده‌ژه‌نێ
رۆژی واهه‌یه‌ داپیره‌م له‌ لێواری شه‌قام
له‌ سه‌ر كورسیه‌كی شكاو ده‌ستێكی
له‌ ناوه‌ ده‌ستی باپیره‌مه‌و
ده‌سته‌كه‌ی تری له‌سه‌ر شانی
ئه‌بینم له‌ كۆتای شه‌قامه‌كه‌
هه‌مان چۆله‌كه‌ له‌و به‌ری شه‌قام وه‌ستاوه‌
غه‌مگین غه‌مگین ئاوازی دووری ئه‌خوێنێته‌وه‌
پاییز گوله‌كانی وشك كردووه‌
ته‌رزه‌ گوله‌كانی داچۆریوه‌
داپیره‌م چه‌ند ساڵبوو گولێكی ئاو ئه‌دا
یادگاری باپیره‌م بوو بۆی ناردبوو
ئه‌بینم داپیره‌م به‌ دیار گۆرێك وه‌ستاوه‌
گوله‌كه‌ی هه‌ڵكێشاوه‌و له‌سه‌ر گۆره‌كه‌ ئه‌ی رووێنێت
له‌و لاوه‌ هه‌مان كچ چه‌تره‌كه‌ی فرێداوه‌
باران به‌سه‌ر قژی خاوی دێته‌ خوارێ
له‌ولاوه‌ هه‌مان كور له‌شوێنی ئاوازی عیشق
له‌ غه‌مگینی ئاوازی ته‌نیای نه‌ی ده‌ژه‌نێ
سه‌رم سورما ئه‌وه‌ی من ئه‌ی بینم
شه‌قامه‌كه‌ ئه‌م سه‌ری داخراوه‌
له‌سه‌ر لا دیوارێكی نوسراوه‌ ببوره‌