دڵ نەخۆشی دەردی هیجرە ، جانی جانانم وەرە
لەت لەتە جەرگ و هەنـاوم ، ماهـی تابـانـم وەرە

عیلەتی دەرد و شەفا کەم وا بە لێوی شەککەرت
مـایـەی ژیـن و حـەیـاتـم ، دەرد و دەرمــانـم وەرە

سەد شوکر دوبارە جەژنە ، وەختی عەیش و شادیە
بـۆ بـەڵا گـەردانـی بــاڵات ، قــۆچــی قـوربـانــم وەرە

دلبەرەی قەد عەرعەرەی بێ ڕەحمەکەی بەدبەختەکەم
دڵ ڕفـێـنـەی شـۆخـەکەی بـێ عەهـد و پـەیـمـانـم وەرە

نازەنینەی سوخمـە ئاڵەی دیدە مەستەی کەچ کولاه
گوڵ عوزارەی شۆخ و شەنگەی شاهی خوبانم وەرە

تاهیر بەگی جاف

ببورن نام زانی ناونیشانی شیعره‌که‌ی به‌ناوی چیه‌