دووبەی . . !

چەند ئوتێلێکی بەرزەفڕ
دوو سێ مۆڵ و ماکەر سیتی
دوو سێ باڵەخانەی تەژە
چەند وەنەوشەو کەدیلاک و مۆنیکایەک
چەند قومارگەی چراخان و
چەند مەساجگەی بن زگ شێل و
چەند مەلهایەک

دوو سێ دەرزن فێستیڤاڵ و
چەند زنجیرە کۆنفرانسێک
چەند چاوەشێکی دەستی دوو
گەڕێک شایی ، سوکە دانسێک

چیتر ماوە؟
مووچە نەبڕێ لە بەغداوە
چیتر ماوە؟
هەر ئەمانە و دوای هەڵدانی چەند پێکێک مەی
کوردستانتان بۆ دەکەمە شاری دووبەی!

عبداللە پەشێو

10