بیرته‌ گیانه‌
هۆنراوه‌ی (ڕێدار سابیر)
وتنی (کامه‌ران سالح)

بیرته‌ گیانه‌ ... ئه‌و ڕۆژه‌ی بڕیارت دا به‌ ئاسانی
گوتت : ئه‌ڕۆم جارێکیتر بۆ ئیشق نابمه‌ قوربانی

له‌سه‌ر لێوت بزه‌ و خه‌نده‌ ده‌ست له‌ ملانی ئه‌کتر ئه‌بوون
منیش له‌ نێو باخچه‌ی ژوان بۆ تۆم ئه‌ڕێشت فرمیسکی ڕوون

وتم نه‌که‌ی دابڕێی لێم ، تۆش ئاوڕت نه‌دایه‌وه‌
به‌بێ رو‌حمی ڕێگات گرت ، ساتێ له‌لام نه‌مایه‌وه

به‌ ته‌نیایی له‌ ژێر دره‌ختێکی وشکا دامه‌ گریان
له‌و ڕۆژه‌وه‌ بومه‌ هاوڕێی دابڕان و ئازار و ژان

سه‌فه‌رت کرد به‌ره‌و دورگه‌ی نادیاری حه‌زه‌کانت
دابڕای له‌ خه‌ونی من و ئیتر نه‌مدیت نیگاکانت

ئێستا له‌ کوێی ، ئاخۆ خه‌می ئه‌م غوربه‌ته‌ چی لێ کردووی؟
ئه‌م گه‌رده‌لوله‌ به‌ تینه‌ چه‌ندین نامه‌ی حه‌زی بردوی؟!

هه‌رچه‌ند ئه‌زانم ئێستاکه‌ من له‌ خایاڵتا نه‌ماوم
که‌سێکیتر له‌گه‌ڵتایه‌ ، هه‌وڵێ ناده‌ی له‌ پێناوم

به‌لام منی دێوانه‌ی تۆ هه‌رگیز له‌ تۆ دانه‌بڕاوم
ئه‌ڵێم به‌ڵکو ڕۆژێک دابێت به‌ تۆ شاد بێته‌وه‌ چاوم!