که‌ر و ده‌نگی خۆش

که‌ر ده‌نگی خۆی پێ خۆش نه‌بوو، به‌ تایبه‌تیش کاتێ ده‌نگی خۆی له‌گه‌ڵ ده‌نگی ئاژه‌ڵانی تر و باڵنده‌ ومێرووله‌دا به‌راورد ده‌کرد.
ئێواره‌یه‌کی هاوین، که‌ره‌که‌ زۆر لای سه‌یر بوو کاتێك گوێی له‌ ده‌نگی کۆمه‌ڵێک سیسرکه‌ بوو، گۆرانییان ده‌گوت و وه‌ک کۆرس بۆ یه‌کتریان ده‌گێڕایه‌وه‌.
که‌ره‌که‌ خۆی پێ ڕانه‌گیرا، له‌ یه‌کێک له‌ سیسرکه‌ بچووکه‌کانی پرسی:
ـ ئێوه‌ چی ده‌خۆن وا ده‌نگتان خۆش و زوڵاڵه‌؟
سیسرکه‌که‌ وه‌ڵامی دایه‌وه‌ گوتی:
ـ ئێمه‌ ئاوی پیس نه‌بێ هیچی تر ناخۆین؟
ئیتر له‌وه کاته‌وه‌ که‌ره‌که‌ ده‌ستی له‌ خواردن هه‌ڵگرت و ته‌نیا ئاوی پیسی ده‌خوارده‌وه‌ بۆ ئه‌وه‌ی ده‌نگی خۆش ببێت، تا له‌ ئه‌نجامدا له‌ برسان تۆپی.